Aisling Ghéar
Compántas drámaíochta Gaeilge i mBéal Feirste is ea Aisling Ghéar. Compántas cónaitheach í i gCultúrlann McAdam Ó Fiaich, ionad ealaíon Gaeilge ar Bhóthar na bhFál in Iarthar Bhéal Feirste. Bunaíodh Aisling Ghéar in 1997.[1]
| Sonraí | |
|---|---|
| Cineál | compántas drámaíochta  |
| Foirm dlí | |
| Dáta a bunaíodh | 1997 |
| Suíomh gréasáin | aislingghear.com |
Maíonn Aisling Ghéar go bhfuil an-éagsúlacht ag roinnt leis na drámaí a léiríonn siad. Le drámadóirí Gaeilge, leithéidí Eoghain Uí Thuairisc agus Mháiréad Ní Ghráda atá cuid de na drámaí sin, ach tá a lán aistriúcháin léirithe freisin acu – drámaí le Machiavelli, W.B. Yeats, Tom Murphy, Rosemary Jenkinson, Eugene Ionesco, Samuel Beckett, Brian Friel, Dario Fo, Willy Russell agus Marie Jones.[1]
Soláthraíonn siad seirbhís aistriúcháin chomhuainigh don lucht féachana.[1]
Tá sé ráite go bhfuil sé cruthaithe ag compántais dá leithéid gur féidir drámaíocht na Gaeilge a chothú ach airgead stáit a fháil.[2]
Sa bhliain 2022, bhí Aisling Ghéar i mbaol a dhúnta tar éis don Chomhairle Ealaíon a maoiniú a ghearradh go hiomlán.[3]
Léirithe cuir in eagar
Ar na léirithe a rinneadh le beagán blianta anuas tá na cinn a leanas:[4]
“Is Iomaí Rud a Tharla – Scéal Ghaeltacht Bhóthar Seoighe,” dráma le Nuala Ní Néill faoi lánúin a bhaineann le pobal Gaeltachta Bhóthar Seoighe.
“The Baile Project 2019”: gearrscannán dátheanghach idirghlúine a rinne Óige Brassneck i gcomhar le hAisling Ghéar.
“Teach na dTaibhsí/Haunted House”: dráma faoi na taibhsí atá le fáil sa Chultúrlann, áit a tógadh in 1896.
“The Fadgies,” dráma le Nuala Ní Neill faoi na “Pháidithe,” cainteoirí dúchais Gaeilge as Ó Méith a tháinig go Béal Feirste sa 19ú céad, áit ar oibrigh siad mar dhíoltóirí éisc agus torthaí.
Makaronik le Dave Duggan.
Féach freisin cuir in eagar
Nótaí cuir in eagar
- ↑ 1.0 1.1 1.2 "About / Eolas | Aisling Ghéar, Irish Language Theatre". www.aislingghear.com. Dáta rochtana: 2022-06-04.
- ↑ Léirmheas le Fiach Mac Conghail ar An Underground Theatre: Major Playwrights in the Irish Language, 1930–80, Philip O’Leary, UCD Press (2017). ISBN: 9781910820155: ComharTaighde, https://comhartaighde.ie/eagrain/5/macconghail/.
- ↑ Meadhbh Ní Eadhra (3 Meitheamh 2022). "Aisling Ghéar ‘i mbaol a dhúnta’ de bharr easpa maoinithe" (ga-IE). Tuairisc.ie. Dáta rochtana: 2022-06-04.
- ↑ "Productions / Leirithe | Aisling Ghéar, Irish Language Theatre". www.aislingghear.com. Dáta rochtana: 2022-06-04.