Earrach atá ar an séasúr (nó ráithe) den bhliain a bhíos ann idir geimhreadh agus samhradh.

Bláth an earraigh

Sa leathsféar thuaidh, is é cónocht an earraigh (nó cónocht an Mhárta) an chéad lá den earrach, a bhíos ann cúpla lá tar éis na Féile Pádraig (.i. ó 19–22 Márta),.

An tEarrach in Éirinn cuir in eagar

Tosaíonn an tEarrach ar an gcéad lá de mhí an Mhárta in Éirinn anois, agus leanann ar aghaidh go dtí deireadh mhí Bealtaine.[1] Ag an am seo tosaíonn ainmhithe agus plandaí ag dúiseacht tar éis dóibh a bheith ina gcodladh ar feadh geimhreadh fada. Éiríonn an aimsir níos teo agus na laethanta níos faide.

Féilire Gaelach cuir in eagar

San am atá thart, mheastaí gurbh é 1 Feabhra an chéad lá den earrach. Is é an chéad lá de mhí Feabhra (Lá Fhéile Bríde, nó Imbolc sa bhfíorsheanaimsir) tús an earraigh san fhéilire Gaelach (féilire gréine é sin) in Éirinn, .i. thart ar leath aimsire idir grianstad an gheimhridh i mí na Nollag agus cónocht an earraigh amach sa Márta.

Lá Bealtaine, nó an chéad lá de mhí na Bealtaine, tús an tsamhraidh san fhéilire Gaelach.

Dúlra cuir in eagar

 
an plúirín sneachta

Ar an 1 Feabhra, tá bláthanna an Earraigh le feiceáil in Éirinn de ghnáth, mar shampla an plúirín sneachta agus an cróch ina measc[2]. Tosaíonn bláthanna cosúil le tiúilipí agus los an chromchinn ag bláthú.

Seanfhocal cuir in eagar

  • An té nach gcuireann san earrach, ní bhainfidh sé san fhómhar.

Tagairtí cuir in eagar

  1. met.ie. "Na Séasúir". Dáta rochtana: 2020.
  2. Eleathanach, 30 Eanáir 2018

an plúirín sneachta