Inis Bigil
Oileán beag cónaithe is ea Inis Bigil[1], atá lonnaithe ar chósta Chontae Mhaigh Eo in Éirinn. Tá an t-oileán suite idir oirthuaisceart Oileán Acla agus an tír mhór, agus tá rochtain le fáil ag céibh Rinn Doran i mBaile Chruaidh, nó ag 'Bullsmouth' i nDún Éibhir ar Oileán Acla. Tá rochtain d'ingearáin ann freisin i bhfoirm héileapad. Tá an t-oileán 2.5 km × 1.5 km, agus 650 acra san achar.
| |||||
| Cineál | Oileán  | ||||
|---|---|---|---|---|---|
| Logainm.ie | 36863 | ||||
| Suíomh | |||||
| Limistéar riaracháin | Contae Mhaigh Eo, Éire | ||||
| |||||
| Suite i nó in aice le limistéar uisce | An tAigéan Atlantach | ||||
Ag tús an 20ú haois, bhí breis is 200 duine ag cur fúthu anseo, iad ag iascaireacht, ag feirmeoireacht agus i mbun oibre mar oibrithe feirme in Albain i rith an tsamhraidh. Ba ghnách leis na daoine imeachtaí siamsaíochta a eagrú dóibh féin nuair a bhíodh an t-oileán gearrtha amach ón mórthír ar feadh míonna i ndiaidh a chéile ag caineál contúirteach Bhéalan Bhulláin.
Faoi láthair níl ach 23 duine ag maireachtáil ar an oileán, an chuid is mó acu ag obair i dtalmhaíochta, iascaireacht nó bailiúchán éisc sliogánach. I measc na n-áiseanna ar an oileán tá scoil agus oifig an phoist ann, ach tá siad araon dúnta anois. Bhí caint faoi phleananna chun carr-chábla a thógáil trasna canáil Bhéal an Tairbh ón mbliain 1996, ach tréigeadh iad mar gheall ar an chostas mór a bhí tuartha agus caitheadh an t-airgead ar athfhorbairt dhroichead Oileán Acla ina áit.[2] Déanann na sruthanna dothuartha an t-oileán do-aimsithe i rith an gheimhridh, d'ainneoin na fírice nach dtógann an turas ach 10 bomaite i gcurach nuair atá aimsir mhaith ann.
Tá formhór na ndaoine ar an oileán ina seandaoine sa lá atá inniu ann agus ag fulaingt go mór mhór mar gheall ar imirce, rud a taispeánadh go hiontach maith sa chlár fhaisnéise 'An Táiliúr Gorm'.
Ó na 1990idí i leith, tá féile eagraithe ag an bpobal beag seo gach mí Lúnasa. Tugtar deis do dhaoine dul amach i ngeoltaí, agus freastal ar sheisiúin amhránaíochta, cheoil agus damhsa.
Rugadh agus tógadh an file clúiteach Pádraig Daeid ar an oileán chomh maith.[fíoras?]
| Bliain | Daonra | ±% |
| 1841 | 67 | — |
| 1851 | 61 | −9.0% |
| 1861 | 0 | −100% |
| 1871 | 154 | — |
| 1881 | 171 | +11.0% |
| 1891 | 135 | −21.1% |
| 1901 | 135 | −0.0% |
| 1911 | 149 | +10.4% |
| 1926 | 162 | +8.7% |
| 1936 | 157 | −3.1% |
| 1946 | 106 | −32.5% |
| 1951 | 123 | +16.0% |
| 1956 | 116 | −5.7% |
| 1961 | 113 | −2.6% |
| 1966 | 103 | −8.8% |
| 1971 | 112 | +8.7% |
| 1979 | 97 | −2.6% |
| 1981 | 89 | −8.2% |
| 1986 | 69 | −22.5% |
| 1991 | 51 | −26.1% |
| 1996 | 48 | −5.9% |
| 2002 | 39 | −18.8% |
| 2006 | 24 | −38.5% |
| 2011 | 25 | +4.2% |
| 2016 | 18 | −28.0% |
Tagairtí cuir in eagar
- ↑ “Inis Bigil/Inishbiggle | logainm.ie” (ga). Bunachar Logainmneacha na hÉireann (Logainm.ie). An Coimisiún Logainmneacha. Dáta rochtana: 2023-06-22.
- ↑ Cable Car Battle On Isolated Inishbiggle Continues 1997