Megami Tensei
Is sraith chluiche ríomhaire Sheapánach déanta ag Atlus é Megami Tensei (女神転生 "Athionchollú an Bhandé"). Megaten go gairid. Tosaíodh an branda sa tSeapáin sa mbliain 1987 leis an gcluiche Digital Devil Story: Megami Tensei. Tá carn fo-shraitheanna foilsithe ag Atlus agus Sega fé bhranda Megami Tensei, dírithe ar chluichí rólimeartha.
| Cineál | sraith físchluichí  |
|---|---|
| Bunaithe ar | Digital Devil Story (en)  |
| Seánra | físchluiche rólimeartha agus cyberpunk video game (en) |
| Saintréithe teicniúla | |
| Ardán | Game Boy (en) , MSX (en) , Nintendo DS (en) , Sony PlayStation, PlayStation 2, PlayStation Portable (en) , Super Nintendo Entertainment System (en) , Nintendo 3DS, TurboGrafx-16 (en) agus Nintendo Switch |
| Foireann | |
| Forbróir(í) | Atlus |
| Eagarthóir | Namco (en) Atlus Sega |
| Tuilleadh eolais | |
| Láithreán Gréasáin | shin-megamitensei.jp (an tSeapáinis) |
| CA. Subreddit | Megaten |
|
| |
 | |
Bhí an tsraith bunaithe ar dtús ar Digital Devil Story, sraith ficsean eolaíochta scríobhtha le Aya Nishitani, agus tagann ainm na sraithe ó fhotheideal an chéad leabhair. Is iontrálacha neamhspleácha iad formhór na gcluichí, lena gcuid scéalta agus carachtair fhéin. I measc na n-eilimintí athfhillteacha tá téamaí plota, críocha difriúla bunaithe ar roghanna an imreora, agus créatúir (deamhain, Persona) ag troid agus ag cuidiú leis an imreoir i gcath. Baintear úsáid as gnéithe fealsúnachta, reiligiúin, asarlaíochta agus ficsean eolaíochta sa tsraith.
Cé nach bhfuil an clú céanna mar atá ar Final Fantasy agus Dragon Quest air, tá an-tóir air sa tSeapáin agus sa domhain Eora-Mheiriceánach. Tá cáil tuillte ag an tsraith as a cuid ealaíonta, a himirt chrua, agus a ceol. Ach tá conspóid tarraingthe aici as ábhar aibí, téamaí dorcha, agus úsáid a bhaint as íomhánna reiligiúnacha. Foilsíodh manga, scannáin anime, agus sraitheanna teilifíse fé bhranda Megami Tensei leis.
Stair cuir in eagar
Príomhshraith cuir in eagar
Cuireadh dhá iontráil amach ar Famicom: Digital Devil Story: Megami Tensei i 1987, agus Digital Devil Story: Megami Tensei II i 1990. Níl aon bhaint idir scéalta an dá theidil, nár thosaigh an dá cheann acu meicnic bhunúsach imeartha na sraithe. Cuireadh dhá iontráil amach Super Famicom : Shin Megami Tensei i 1992, agus Shin Megami Tensei II i 1994.
Cuireadh Shin Megami Tensei III: Nocturne amach in 2003 ar PlayStation 2. Cuireadh an chéad iontráil eile, Shin Megami Tensei: Strange Journey, amach in 2009 sa tSeapáin agus 2010 i Meiriceá Thuaidh ar Nintendo DS. Cuireadh Shin Megami Tensei IV amach ar Nintendo 3DS in 2013 sa tSeapáin agus i Meiriceá Thuaidh, agus bliain ina dhiaidh san san Eoraip mar eisiúint dhigiteach. Cuireadh cluiche eile atá suite sa chruinne céanna, Shin Megami Tensei IV: Apocalypse, amach ar 3DS i mí Feabhra 2016 sa tSeapáin. Cuireadh Shin Megami Tensei V amach ar Nintendo Switch in 2021.
Persona cuir in eagar
Is é Persona an mac-shraith is mó ó Megami Tensei. Cuireadh an chéad iontráil, Megami Ibunroku Persona, amach sa tSeapáin agus i Meiriceá Thuaidh i 1996. Cuireadh Persona 2 Innocent Sin, amach sa tSeapáin i 1999. Agus an dara cluiche, Persona 2 Eternal Punishment, in 2000. Cuireadh Persona 3 amach in 2006 sa tSeapáin, 2007 i Meiriceá Thuaidh, agus in 2008 san Eoraip. Cuireadh Persona 4 amach, in 2008 sa tSeapáin agus i Meiriceá Thuaidh, agus in 2009 san Eoraip. Cuireadh an cúigiú iontráil, Persona 5, amach sa tSeapáin in 2016, agus in 2017 i Meiriceá Thuaidh agus san Eoraip. Chomh maith leis na príomhchluichí Persona, tá mac-chluichí, dírithe go dtí seo ar Persona 3, 4 agus 5.Persona Q: Shadow of the Labyrinth agus Persona Q2: New Cinema Labyrinth. Persona 4 Arena agus Arena Ultimax. Agus cluichí rithime Persona 4: Dancing All Night, Persona 3: Dancing in Moonlight, agus Persona 5: Dancing in Starlight.