Mo Bhealach Féin
Scríobh an t-úrscéalaí Seosamh Mac Grianna an leabhar dírbheathaisnéiseach Mo Bhealach Féin,[1] a tháinig amach in 1940 (foilsithe i mBéarla mar "This Road of Mine" sa bhliain 2021)[2][3] Is cur síos é ar fhánaíocht Sheosaimh féin ar fud na hÉireann agus na Breataine Móire, faoi thionchar na scéalta faoin bhfánaíocht a chum Pádraic Ó Conaire sna 1910-1920idí.[4]
| Cineál | saothar liteartha  |
|---|---|
| Cárta innéacs | |
| Údar | Seosamh Mac Grianna |
| Teanga | an Ghaeilge |
| Tréith | |
| Seánra | úrscéal |
| Suíomh scéalaíochta | Éire |
Cuireann sé síos ar a aistear ar an ghannchuid ó lóistín go lóistín i gceantar Bhaile Átha Cliath, agus ar an dara siúlóid mhór a rinne sé ina aonar sa Bhreatain Bheag. Inbhreathnú agus féin-scrúdú atá ann, agus ní bhíonn sa radharcra go minic ach cúlra nó stáitse don dóigh a bhfuil Mac Grianna ag déanamh staidéir ar imeachtaí a intinne. Cuntas ionraic neamhbhalbh atá ann ar choraíocht a aigne le saol nach raibh ag teacht lena mhian, ar na heachtraí a bhain dó sa saol sin, agus ar na daoine fágtha ar casadh ina measc é.[5]
Má bhítear ag dul ar lorg chéad chomharthaí an ghalair intinne a chuir deireadh le caithréim scríbhneoireachta Sheosaimh i lár na dtríochaidí, beidh siad le haithint i bhfad níos soiléire ar an leabhar áirithe seo ná ar an "Ruball".
Féach freisin cuir in eagar
Tagairtí cuir in eagar
- ↑ "Bealach Mhic Ghrianna: Treoir don leabhar Mo Bhealach Féin - Cló Iar-Chonnacht" (ga-IE) (2020-10-30). Dáta rochtana: 2023-06-10.
- ↑ Séamus Mac Grianna (2020-08-19). "Mo Bhealach Féin as Béarla" (ga-IE). Aistriú Litríochta. Dáta rochtana: 2023-06-10.
- ↑ "Seosamh Mac Grianna: This Road of Mine" (en-IE). The Lilliput Press (2021-12-08). Dáta rochtana: 2023-06-10.
- ↑ mar shampla, Deoraíocht, 1910, Mór thimpeall na hÉireann, ar muir, 1925 srl
- ↑ Seosamh Mac Grianna (1940). "Mo Bhealach Féin" (ga-IE). An Gum. Dáta rochtana: 2023-06-10.