Raideolaíocht
Is éard is raideolaíocht ann ná speisialtacht leighis a bhaineann úsáid as an íomháú míochaine le diagnóis agus cúram leighis a chur ar fáil do ghalair ar féidir iad a fheiscint leis an íomháú. Baineann raideolaithe úsáid as réimse fhorleathan den teicneolaíocht íomháithe (mar shampla; x-ghathú, ultrafhuaim (UF nó US), tomagrafaíocht ríomhairithe (TR nó CT), míochaine núicléach, tomagrafaíocht astúchán posatrón (TAP nó PET), íomháú athshondais mhaighnéadaigh (ÍAM nó MRI)) le galair a aithint nó a leigheas. Is éard is raideolaíocht idirghabhálach ann ná cleachtadh na ngnáthamh míochaine, íos-ionraidh de ghnáth, le cabhair na dteicneolaíochtaí íomháithe. Is gnách go nglacann an radagrafaí nó an teicneolaí raideolaíoch na híomhánna leighis.
