Scannal Oifige Poist sa Ríocht Aontaithe
Idir 1999-2015 sa Ríocht Aontaithe, ionchúisíodh níos mó ná 900 fo-mháistrí poist de bharr gadaíochta. cuntasaíochta bréagaí agus mar sin de. Bhí na líomhaintí gan bhunús, bunaithe ar shonraí ó bhogearraí lochtacha Horizon, déanta ag Fujitsu (ICL sa 20ú haois).
| ||
| Cineál | scannal polaitiúil miscarriage of justice (en)   | |
|---|---|---|
| Bailíocht | 1999 - | |
| Tír | an Ríocht Aontaithe | |
| Rannpháirtí | ||
| Croineolaíocht | ||
| 2019 | Bates & others v Post Office Ltd (en) | |
| Le cuid | ||
Chuaigh roinnt daoine chun príosúin mar gheall ar chuntasaíocht bhréagach agus gadaíocht, agus bhí go leor scriosta ó thaobh airgid de. Thug ceathrar lámh ina mbás féin.[1]
.jpg)
2019-2023 cuir in eagar
Tháinig Scannal Oifige Poist chun solais don chéad uair sa bhliain 2019 nuair a rialaigh an Ard-Chúirt i Londain go raibh an bogearraí Horizon lochtach. .Tháinig an scannal chun solais ag am míthráthúil, agus an rialtas gnóthach ag cur Breatimeacht i bhfeidhm. Le linn 2020-2023, bhí sé deacair na ciontuithe a chur ar neamhní sna cúirteanna. Bhí na fo-mháistrí ag lorg cúitimh chomh maith ach tairgeadh suim shuarach.[2]
2024 cuir in eagar
Craoladh sraith dhráma ar ITV in 2024, Mr Bates vs the Post Office.[3] Dhírigh na cláir aird ar chás na fo-mháistrí.[4] Tháinig athrú ollmhór i ndearcadh an phobail. Bhí Paula Vennells ina príomhfheidhmeannach ar Oifig an Phoist idir 2012 agus 2019. Bhronn an Bhanríon CBE[5] uirthi sa bhliain 2019. Ach bhí a fhios ag rialtas, agus Theresa May ina príomh-aire, go raibh smál ar a ainm ag an am sin.[6] Shínigh níos mó ná milliún duine achainí ag iarraidh go ndéanfaí an CBE a bhaint de Ms Vennells. Faoi dheireadh thug Vennells ar ais an CBE as a stuaim féin; dúirt sí gur "éist sí" leis na fo-mháistrí poist agus le daoine eile ag iarraidh uirthi a CBE a thabhairt ar ais. “Tá fíor-bhrón orm", a dúirt sí, "as an léirscrios a rinneadh do na fo-mháistrí poist agus dá dteaghlaigh, a raibh a saol stróicthe as a chéile de bharr iad a bheith cúisithe go mícheart agus iad a ionchúiseamh go mícheart mar thoradh ar chóras Horizon.”[2]
Féach freisin cuir in eagar
Tagairtí cuir in eagar
- ↑ Julia Banim, Saffron Otter (2024-01-08). "Post Office scandal's 4 suicides - broken dad of two and wife haunted by 'shame'" (en). The Mirror. Dáta rochtana: 2024-01-13.
- ↑ 2.0 2.1 Conradh na Gaeilge, Londain (13 Eanáir 2024). "Nuacht Mhall: (An Dún)" (ga-IE). Apple Podcasts. Dáta rochtana: 2024-01-13.
- ↑ "Mr Bates vs The Post Office" (as en) (2024-01-13). Wikipedia.
- ↑ "Mr Bates v Post Office: How has Fujitsu stayed out of the headlines?" (en). Bracknell News (2024-01-09). Dáta rochtana: 2024-01-13.
- ↑ Commander of the Order of the British Empire
- ↑ Shari Miller (2024-01-13). "Theresa May's government backed CBE for Post Office CEO Paula Vennells". Mail Online. Dáta rochtana: 2024-01-13.