Beannchar, Contae an Dúin

Tá Beannchar (Bangor as Béarla) suite ar theacht isteach Loch Lao agus tá bá mór foscúil in aice leis. Is cathair í i gContae an Dúin i gCúige Uladh. Tá 58,388 duine ina gcónaí i mBeannchar de réir daonáirimh 2001.

Beannchar, Contae an Dúin
Suíomh
54° 40′ N, 5° 40′ O
Stát ceannasach	an Ríocht Aontaithe
Comhthír na Ríochta Aontaithe	Tuaisceart Éireann
Administrative territorial entity of Northern Ireland (en)	An Aird agus Tuaisceart an Dúin
Príomhchathair de	Comhairle Buirge an Dúin Thuaidh
Daonra
Iomlán	61,011 (2011)
Aitheantóir tuairisciúil
Glaochód	028
Eile
Suíomh gréasáin	northdown.gov.uk

Tá níos mó ná áit amháin darb ainm “Beannchar” in Éirinn. Féach Beannchar.

1953

An Halla Máisiún, Bóthar Hamilton, Beannchar, An Dún

Stair

Sna meánaoiseanna, bhí an méid sin clú ar Bheannchar in oirthuaisceart na hÉireann gur luadh é ar léarscáil an domhain.

Ar an Mappa Mundi atá le feiceáil i dTeampall Hereford i Sasana, tá íomhá na hÉireann ar imeall an domhain, agus níl ach ceithre lonnaíocht ainmnithe; Beannchar (ar tugadh “Civitas bencur” air), Baile Átha Cliath, Ard Mhacha agus Cill Dara.

Bhí meas mór ar Bheannchar ag an am mar gheall ar a mhainistir, a bhunaigh Naomh Comhghall sa bhliain 558 AD.

Radharc ar an gcalafort mar a bhí in 1910 agus in 2015

Mhair sár-ré mhainistir Bheannchair go dtí an 9ú haois, nuair a thosaigh na Lochlannaigh á hionsaí.

Is é an limistéar farraige soir ó thuaidh ó Bheannchar ná Cuan Bhaile Uí Thuamhan, a ainmníodh i ndiaidh bhaile fearainn Bhéal Átha Beithe lastoir den bhaile. Le linn an Dara Cogadh Domhanda baineadh úsáid as an gcuan mar bhunáit chun trúpaí Meiriceánacha a thraenáil le haghaidh Operation Overlord (D-Day)

Féach freisin

• Naomh Comhghall