Brooklyn (scannán)

Scannán drámatúil seanré ón mbliain 2015 is ea Brooklyn agus é stiúrtha ag John Crowley agus scríofa ag Nick Hornby. Tá sé bunaithe ar Brooklyn, úrscéal le Colm Tóibín. Is iad Saoirse Ronan, Emory Cohen, Domhnall Gleeson, Jim Broadbent, agus Julie Walters na príomhaisteoirí sa scannán. Scaoileadh é in Éirinn agus sa Ríocht Aontaithe ar 6 Samhain 2015. Taispeánadh é den chéad uair ag Féile Scannán Sundance i mí Eanáir na bliana céanna.

Brooklyn

Buneolas
Stiúrthóir	John Crowley
Príomhcharachtair	Saoirse Ronan Emory Cohen Domhnall Gleeson Jim Broadbent Julie Walters Bríd Brennan Fiona Glascott Eva Birthistle Emily Bett Rickards Nora-Jane Noone Jessica Paré Michael Zegen
Léiriú	Finola Dwyer agus Amanda Posey
Script	Nick Hornby
Ceol	Michael Brook
Grianghrafadóireacht	Yves Bélanger
Eagarthóireacht scannáin	Jake Roberts
Feisteas	Odile Dicks-Mireaux (en)
Dáileoir	20th Century Fox, InterCom agus Netflix
Mionsonraí
Tír bhunaidh	an Ríocht Aontaithe, Éire agus Ceanada
Céadléiriú	2015
Fad ama	112 min
Bunteanga	Béarla an Laidin Gaeilge na hAlban
Suíomh scannánaíochta	Montréal, Inis Córthaidh agus Nua-Eabhrac
Dath	daite
Buiséad	11,000,000 $, 11,000,000 $, 11,000,000 $, 11,000,000 $ agus 11,000,000 $
Tuilleamh	62,000,000 $ 62,000,000 $
Cur síos
Bunaithe ar	Brooklyn
Seánra	scannán drámaíochta, scannán bunaithe ar úrscéal agus méaldráma
Rátáil MPAA	PG-13
Suíomh scéalaíochta	Nua-Eabhrac agus Brooklyn
Liosta na ngradam agus na n-ainmniúchán
Ainmnithe do	Duais an Acadaimh don bhan-aisteoir is fearr (2016) Academy Award for Best Writing, Adapted Screenplay (en) (2016) Duais an Acadaimh don scannán is fearr (2016)
Suíomh gréasáin oifigiúil	foxsearchlight.com…

Plota

Baineann an scéal le bean óg darb ainm Eilis Lacey, atá ag obair i siopa beag in Inis Córthaidh sa bhliain 1952. Tugann sí aghaidh ar Mheiriceá agus í ar lorg saol níos fearr di féin. Cuireann sí fúithi i mBrooklyn, Nua-Eabhrac. Téann sí chun cónaí i dteach lóistín do mhná óga. Itheann sí a dinnéar ansin gach oíche leis na mná eile, an tiarna talún san áireamh. Éireannach seanfhaiseanta í seo. Le cúnamh ó shagart faigheann Eilis post i siopa mór in Downtown Bhrooklyn cé go mbíonn sí uaigneach agus ní thaitníonn an obair léi an iomarca. Cuireann an sagart í ag freastal ar ranganna leabharchoimeádta. Ag damhsa, casann Tony, fear óg ó theaghlach Iodálach, uirthi. Titeann sé i ngrá léi ar an bpointe, agus de réir a chéile fásann a grá dó-san.

Carachtair

• Saoirse Ronan mar Eilis Lacey
• Emory Cohen mar Anthony "Tony" Fiorello
• Domhnall Gleeson mar Jim Farrell
• Jim Broadbent mar Father Flood
• Julie Walters mar Madge Kehoe
• Bríd Brennan mar Miss Kelly
• Eva Birthistle mar Georgina
• Fiona Glascott mar Rose Lacey
• Jessica Paré mar Miss Fortini
• Emily Bett Rickards mar Patty McGuire
• Nora-Jane Noone mar Sheila

Duaiseanna

Gradaim an Acadaimh 2016: Bhí Brooklyn ainmnithe sa chatagóir – ‘An Scannán Is Fearr’, agus bhí Saoirse Ronan ainmnithe sa chatagóir ‘an príomhaisteoir Is Fearr’.

Naisc sheachtracha

• Brooklyn ag an Independent Movie Database. Arna rochtain ar 14 Nollaig 2015.
• Brooklyn Curtha i gcartlann 2015-11-27 ar an Wayback Machine ag an Sundance Film Festival. Arna rochtain ar 14 Nollaig 2015.