Edith Wilson
Dara bean chéile Woodrow Wilson, uachtarán na Stát Aontaithe, ab ea Edith Bolling Galt Wilson (10 Deireadh Fómhair 1872 – 28 Nollaig 1961). Bhí sí ina Céad-bhean ar an tír ó 1915 go 1921. Chuir sise agus Woodrow Wilson aithne ar a chéile i mí Márta na bliana 1915 agus phós siad naoi mí ní ba dhéanaí. I ndiaidh an stróc mór a bhuail Woodrow i mí Dheireadh Fómhair sa bhliain 1919, scrúdaigh sí gach cáipéis dár cuireadh chuig an uachtarán agus roghnaigh sí cé acu díobh le cur faoina bhráid ina móimintí meabhracha. Dhéanadh sí é seo agus rudaí eile in éineacht le príomhchúntóir an uachtaráin agus i ngan fhios don saol mhór. Ise an t-aon bhean i stair Mheiriceá a chuaigh i gceannas ar bhrainse feidhmiúcháin rialtas na tíre, fiú murar thuig ach dornán daoine cad a bhí ar siúl aici.
| Edith Wilson | |||||
|---|---|---|---|---|---|
 | |||||
Nollaig 18, 1915 - Márta 4, 1921 ← Ellen Axson Wilson - Florence Harding →
Nollaig 18, 1915 - Márta 4, 1921 ← Margaret Woodrow Wilson - Florence Harding → | |||||
| Saol | |||||
| Ainm iomlán | Edith Bolling | ||||
| Eolas breithe | Wytheville, 15 Deireadh Fómhair 1872 | ||||
| Náisiúntacht | Stáit Aontaithe Mheiriceá | ||||
| Bás | Washington, D.C., 28 Nollaig 1961 | ||||
| Áit adhlactha | Washington National Cathedral (en)  | ||||
| Cúis bháis | (cliseadh croí) | ||||
| Muintir | |||||
| Athair | Judge William Holcombe Bolling | ||||
| Máthair | Sally White | ||||
| Céile/Céilí | Norman Galt (en) (1896 - Eanáir 28, 1908) Woodrow Wilson (Nollaig 18, 1915 - Feabhra 3, 1924) | ||||
| Oideachas | |||||
| Teangacha | an Béarla | ||||
| Gairm | |||||
| Gairm | polaiteoir | ||||
| Duaiseanna | |||||
| Cleamhnú | |||||
| Páirtithe polaitíochta | Páirtí Daonlathach | ||||
 | |||||
Rugadh Edith isteach i dteaghlach de scothaicme Virginia. Ba de shliocht Pocahontas agus John Rolfe í. Deirfiúr le Thomas Jefferson ab ea sin-seanmháthair léi. Bhí Martha Washington agus Robert E. Lee ar a sinsir freisin.