Osclóidh seo an príomhroghchlár

Iriseoir agus údar Éireannach ab ea Lyra Catherine McKee (31 Márta 199018 Aibreán 2019).

Lyra McKee
Lyra McKee (33207175144) (cropped).jpg
Saol
Ainm iomláin Lyra Catherine McKee
Eolas breithe Béal Feirste, Márta 31, 1990
Náisiúntacht An Ríocht Aontaithe
Áit cónaithe Béal Feirste
Doire
Céad teanga An Béarla
Bás Doire, Aibreán 18, 2019
Na cúinsí a bhaineann lena b(h)ás dúnmharú (tráma balaistíoch)
Education
Alma mater Birmingham City University Translate Master of Arts Translate : online journalism Translate
Teangacha An Béarla
Gairm
Gairm iriseoir, scríbhneoir aistí agus scríbhneoir
Saothar iomráiteach Angels with Blue Faces Translate
The Lost Boys Translate
Duais
IMDb nm8461421

Ba as ceantar na Seanpháirce i dtuaisceart Bhéal Feirste di. D’fhág sí Ollscoil na Ríona le tabhairt faoin iriseoireacht. Bhí céim mháistir aici in iriseoireacht ar líne ó Birmingham City University.

ScríbhneoireachtCuir in Eagar

D'oibrigh McKee do Mediagazer mar thuairisceoir agus eagarthóir. Scríobh sí píosaí tábhachtacha faoina saol mar bhean óg aerach; faoin mbulaíocht a rinneadh uirthi ina hóige; agus faoi mar a d’fhógair sí don saol mór go raibh sí aerach.[1]

Ar cheann de na píosaí móra a scríobh McKee, bhí píosa faoi ghlúin daoine óga sa Tuaisceart, a tháinig ar an saol tar éis na dTrioblóidí, a bheith ag cur lámh ina mbás féin.

Scríobh McKee leabhar neamhfhicsin, Angels With Blue Faces, faoi dhúnmharú an fheisire Aontachtaigh, an tUrramach Robert Bradford.

Scríobh McKee leabhar eile, The Lost Boys, ag na foilsitheoirí Faber & Faber.[2]

DúnmharúCuir in Eagar

Scaoileadh í sa Chreagán i nDoire agus í i mbun oibre le linn círéibe ann. Tugadh í go dtí an t-ospidéal in Alt na nGealbhán ach fuair sí bás.

Bhásaigh an t-iriseoir tar éis d’fhear gunna a raibh masc air urchair a scaoileadh le póilíní sa Chreagán. Dúirt an PSNI gurb é an grúpa easaontóirí poblachtánacha an "IRA nua" ba chionsiocair le bás McKee.

Fágadh McKee a páirtí, Sara Canning, ina diaidh.[3] D’aistrigh McKee go Doire le go mbeadh siad le chéile agus lena gcat, Marie.

Dúirt an Taoiseach gur iriseoir agus gníomhaí a bhí inti a chuaigh i bhfeidhm ar dhaoine, a d’athraigh saol daoine nuair a bhí sí ina beatha agus a athróidh saol daoine chomh maith lena bás.[4]

TagairtíCuir in Eagar

Naisc sheachtrachaCuir in Eagar