Marie d'Agoult

Scríbhneoir aistí agus staire Francach ab ea Marie d'Agoult nó Marie Catherine Sophie de Flavigny, comtesse d'Agoult (31 Nollaig 1805 – 5 Márta 1876). Rugadh í in Frankfurt-am-Main agus shíothlaigh sí i bPáras. Scríobh sí faoin ainm cleite Daniel Stern.

Marie d'Agoult
Saol
Ainm iomlán	Marie Catherine Sophie de Flavigny
Eolas breithe	Frankfurt, 31 Nollaig 1805
Náisiúntacht	Frainc
Teanga dhúchais	an Fhraincis
Bás	Páras, 5 Márta 1876
Áit adhlactha	Reilig Père-Lachaise
Muintir
Athair	Vicomte Alexandre Victor François de Flavigny
Máthair	Elisabeth de Flavigny
Céile/Céilí	Charles Louis Constant d'Agoult (en)  (Bealtaine 16, 1827 -  1834)
Páirtí/Páirtithe	Franz Liszt
Páistí	liosta iomláin Cosima Wagner Daniel Liszt Blandine Liszt Claire d'Agoult (en)
Oideachas
Teangacha	an Fhraincis
Gairm
Gairm	scríbhneoir, salonnière (en) , staraí, dialannaí, file, scríbhneoir aistí agus cumadóir
Duaiseanna	Prix Thérouanne  (1873)
Sloinnte	Daniel Stern agus J. Duverger

Beathaisnéis

Rugadh d'Agoult do Victor François de Flavigny (1770-1819), fear d'uaisle na Fraince a theith an tír le linn Réabhlóid na Fraince agus do Maria Elisabeth Bethmann (1772-1847), bean Phrotastúnach, de theaghlach uasal de bhunús na Gearmáine. D'fhill an teaghlach go dtí an Fhrainc tamall i ndiaidh bhreith Maria. Ó 1819 go 1821, fuair sí a cuid oideachais i gclochar na Sœurs du Sacré-Cœur de Jésus in Áras Biron (Músaem Rodin inniu).

Phós sí an Cunta Charles Louis Constant d’Agoult (1790-1875) agus saolaíodh beirt iníonacha dóibh, Louise (1828-1834) agus Claire (1830-1912). Bhí caidreamh suirí aici le Franz Liszt a thosaigh nuair a bhí sise 28 bliana d'aois agus eisean 6 bliana ní ba óige. Bhí triúr páistí acu. Blandine (1835–1862), chéad bhean Émile Ollivier, príomh-aire na Fraince i ndiaidh a báis in aois a 26 bliana, Cosima (1837–1930), a phós cumadóir agus stiúrthóir ceoil Hans von Bülow agus ansin Richard Wagner, agus Daniel (1839–1859), sárphianadóir a d'éag go hóg leis an eitinn. Chuir d'Agoult agus Liszt fúthu sa Ghinéiv sa bhliain 1835. Chaith siad na blianta 1837–1839 ina gcónaí i roinnt áiteanna san Iodáil.

Bhí d'Agoult mór le George Sand agus go mó faoina tionchar, ach caidreamh neamhchairdiúil a bhí acu go minic. Cuireadh Marie d'Agoult i Reilig Père-Lachaise i bPáras.

Marie d'Agoult t. 1861