Ba cheannaire Ioslamach bunúsaíoch é Usāmah bin Muhammad bin 'Awad bin Lādin, (Araibis: أسامة بن محمد بن عوض بن لادن), nó Osama bin Laden agus Usama bin Laden mar is fearr aithne air.

Osama bin Laden portrait cropped.jpg

SaolCuir in Eagar

Rugadh bin Laden i Riyadh, An Araib Shádach ar 10 Márta, 1957. Ba de theaghlach saibhir Sádach é agus iad de bhunús na treibhe Éimeanaí Kindah.

Bhunaigh bin Laden an grúpa paraimíleatach al-Qaeda a raibh páirt acu i roinnt ionsaithe ar fud an domhain. An t-éacht ba mhó a rinneadar ná na h-ionsaithe sceimhlitheoireachta 9/11 i Stáit Aontaithe Mheiriceá sa bhliain 2001.

Bhí bin Laden agus al-Qaeda i gcoimhlint leis an Iarthar, agus na Stáit Aontaithe go háirithe, mar gheall ar an tacaíocht a dtugtar don stát Iosrael, cúpla réimse deachtóireachta sa Mheánoirthear, agus na bunáiteanna a bhí ag na Meiriceánaigh san Araib Shádach, an tír ina bhfuil na cathracha Meice agus Medina suite.

 
Osama bin Laden ar dheis, circa 1998

MarúCuir in Eagar

Ar feadh i bhfad, ní raibh éinne cinnte cá raibh sé i bhfolach ach glacadh go forleathan go raibh sé in áit éigin in iarthuaisceart na Pacastáine. Ag an am ar maraíodh é bhí conaí air in Abbottabad, cathair i dtuaisceart na tire ní fada on bpríomhchathair, Islamabad.

Mharaigh fórsaí Mheiriceá Bin Laden ar 2 Bealtaine 2011 sa Phacastáin.

 
Osama bin Laden ar chlé agus Ayman al-Zawahiri 2001

Foireann de SEALS de chuid Chabhlaigh Mheiriceá a mharaigh é go luath ar an 2ú lá mí Bealtaine. Mar gheall ar an difear idir chriosanna ama, ba go déanach ar an aonú lá den mhí chéanna i Washington, D.C. a d'fhógair an t-uachtarán Barack Obama bás Bin Laden. D'admhaigh al-Qaeda go raibh sé maraithe ar 6 Bealtaine.

Nua Eabharc: gártha molta as slua

TagairtíCuir in Eagar