Is scríbhneoir agus léachtóir Ollscoile é Seán P. Ó Mathúna. Rugadh Ó Mathúna i Nua Eabhrac sa bhliain 1930 ach tógadh é i bparóiste Rátha Móire i gcroílár Shliabh Luachra. D'fhreastal sé ar Mheánscoil San Aibhistín i nDún Garbhán. Bhain sé céim M.A. amach sa Nua-Ghaeilge i gColáiste Ollscoile Bhaile Átha Cliath. Bhí a leabhar 'Múineadh sa dara teanga' bunaithe ar an taighde a rinneadh don Ph.D a bronnadh air ó Ollscoil Náisiúnta na hÉireann, foilsíodh é i 1974. Bhí sé ina mhúinteoir Meánscoile i gCiarraí agus i mBaile Átha Cliath.