Rugadh Elizabeth Gurley Flynn ar 7 Lúnasa, 1890, i [[Concord, New Hampshire]], iníon le hAnnie (Gurley) agus Thomas Flynn. <ref>http://biography.yourdictionary.com/elizabeth-gurley-Flynn</ref> Bhog an teaghlach go [[Nua-Eabhrac (stát)|Nua-Eabhrac]] i 1900, áit ar cuireadh oideachas uirthi sna scoileanna poiblí áitiúla. Chuir a tuismitheoirí [[Sóisialachas|an sóisialachas ]] in aithne di. Nuair nach raibh sí ach cúig bliana déag thug sí a céad óráid phoiblí, “What Socialism Will Do for Women,” i gClub Sóisialach [[Harlem|Harlem.]] Mar thoradh air sin, bhraith sí gur gá di labhairt amach ar son athruithe sóisialta, agus rinne sí cinneadh, a raibh aiféala uirthi ina dhiaidh sin, Morris High School a fhágáil roimh chéim a bhaint amach. Deir foinsí eile, áfach, gur díbraíodh í ón ard-scoil mar gheall ar a a rannpháirtíocht pholaitiúil . <ref>https://awpc.cattcenter.iastate.edu/directory/elizabeth-g-flynn/</ref>
