An difríocht idir athruithe ar: "Faireog thímis"

Is orgán speisialaithe í an '''fhaireog thímis''' sa [[córas imdhíonachta|chóras imdhíonachta]] i [[Veirteabrach|veirteabraigh]], a luíonn sa chuid uachtarach den [[Cliabhrach|chliabhrach]] i [[Mamach|mamaigh]] gar do na [[fuileadáin]] mhóra is an [[croí]]. Braitheann a chruth is a mhéid ar na struchtúir mórthimpeall air. I ndaoine, athraíonn a mhéid go mór ó dhuine go duine comhaoiseach. Ag breith an linbh bíonn [[meáchan]] timpeall 13 g aige, fásann sin go leanúnach go dtí timpeall 37 g ag teacht in oirbheart, agus cúlaíonn go mall leanúnach ina dhiaidh sin. De réir dealraimh, tá baint dhlúth aige le cealla an chórais imdhíonaigh. Is gá é don leanbh nuabheirthe d'fhorbairt [[Fíochán|fíocháin]] liomfóidigh is inniúlachta imdhíonaí. Sa duine fásta baineann sé le táirgeadh limficítí, cuid díobh a tháltar isteach in imshruthú na [[Fuil|fola]], ach an chuid is mó a mhilltear taobh istigh den fhaireog féin. Go luath i saol duine, déanann cealla réamhtheachtacha imirce ó smior na g[[cnámh]] isteach sa tímeas, áit a n-aibíonn siad ina T-limficítí (T-chealla) a mbíonn dualgas orthu maidir le [[Imdhíonacht|himdhíonacht]] na gceall.

 

{{Fréamh an Eolais}}

 

[[Catagóir:Faireoga]]