An difríocht idir athruithe ar: "Láirinciam"

Is é an '''láirinciam''' [[dúil cheimiceach]] uimhir a 103, agus is í an t[[siombail cheimiceach]] a sheasann dó ná '''Lr'''. Ceann de na [[Achtainíd|hachtanóidigh]] é, agus mar sin, is dúil throm thrasúránach é.

 

 

Níl ach iseatóip radaighníomhacha ag an láirinciam. Is é an ceann is cobhsaí atá ann ná láirinciam a 262, ach tagann an meath radaighníomhach ar an gceann sin féin sách sciobtha, nó tá sé timpeall ar 3.6 uair an chloig ar leathré. Mar sin, níl sé furasta taighde a dhéanamh ar shaintréithe ceimiceacha an láirinciam, ach is é an tátal a bhaineann na ceimiceoirí as go bhfuil sé cosúil go leor leis an lúitéitiam atá suite os a chionn i dtábla peiriadach na ndúl. Bhí na saineolaithe in ann ocsaíd láirinciam Lr₂O₃ a tháirgeadh, rud a thugann le fios gurb é +3 an uimhir ocsaídiúcháin is coitianta atá ag an láirinciam ina chuid comhdhúl. Ní thagann sin aniar aduaidh ar aon duine, ós é seo an uimhir ocsaídiúcháin is tipiciúla ag na lantanóidigh agus ag na hachtanóidigh araon.

 

[[Catagóir:Dúile ceimiceacha]]