An difríocht idir athruithe ar: "The Star-Spangled Banner"

Is é '''The Star-Spangled Banner''' ([[Gaeilge]]: '''An Bhratach Ghealréaltach''') [[amhrán náisiúnta]] na [[SAM|Stát Aontaithe]]. B'é an file amaitéarach [[Francis Scott Key]] a chum an téacs sa bhliain [[1814]]. Dhá bhliain roimhe sin, bhí na Stáit Aontaithe agus [[Sasana]] ag cur cogaidh ar a chéile, agus le linn an chogaidh seo, chonaic Key an cath a cuireadh faoi [[Baltimore]] i [[Maryland]] le linn an chogaidh seo. Chuaigh na longa cogaidh Sasanacha i dtír i mBám[[Bá Chesapeake]], ach d'éirigh leis na saighdiúirí a bhí ar garastún i bhFortbh[[Fort McHenry]], dúnfort in aice le Baltimore, stop a chur le hionsaí na Sasanach. Ní raibh i gceist leis an amhrán ar dtús ach dán a chum Key leis an eachtra seo a chur i míotar, agus is é an teideal a chuir sé air ná ''The Defense of Fort McHenry''.

Maidir leis an bhfonn, ní raibh ann ach amhrán ólacháin ó Shasana ar dtús, ''To Anacreon in Heaven'', agus b'é an ceolchumadóir Sasanach [[John Stafford Smith]] a chum é. Bhí na Meiriceánaigh an-doirte don fhonn, agus is iomaí cineál líricí a chuir siad leis.

Níor glacadh go hoifigiúil leis an mBratach Ghealréaltach mar amhrán náisiúnta ach sa bhliain [[1933]], nuair a bhí [[Herbert Hoover]] ina Uachtarán ar na Stáit Aontaithe. Bhí stádas oifigiúil ag an amhrán i gCabhlachg[[Cabhlach na Stát Aontaithe]] ón mbliain 1889, agus bhítí á sheinm mar fháilte roimh an Uachtarán go hoifigiúil ón mbliain 1916.

Roimh an mBratach Ghealréaltach, bhí úsáid á baint as amhráin thírghráúla eile, go háirithe as ''Hail, Columbia'', a cumadh an chéad uair mar fhonn máirseála don Uachtarán [[George Washington]].