An difríocht idir athruithe ar: "Ronnie Drew"
Tús ailt le híomhá, lá tar éis a bháis. |
(No difference)
|
Leagan ó 12:17, 17 Lúnasa 2008
B'amhránaí agus ceoltóir traidisiúnta Éireannach é Ronnie Drew (16 Meán Fómhair 1934 – 16 Lúnasa 2008). Bhí sé ina phríomhamhránaí leis an ngrúpa ceoil thraidisiúnta The Dubliners, rud a thuill an cháil is mó dó le linn a ghairm cheoil. Chuir sé tús le gairm cheoil mar amhránaí aonair sa bhliain 1995.
Óige
Rugadh Ronnie Drew i nDún Laoghaire sa bhliain 1934.
The Dubliners
Bhunaigh Ronnie Drew The Dubliners in éineacht le Luke Kelly, Ciaran Bourke agus Barney McKenna i 1962. Bhí an t-ainm The Ronnie Drew Group orthu ar dtús, ach ghlac siad an t-ainm The Dubliners chucu féin de réir a chéile. Aithníodh Ronnie as an nguth greanach a bhí aige agus é ag canadh. Díríodh aird mhór ar an mbanna nuair a bhí amhrán mór-ráchairte acu i gcairteacha ceoil na Ríochta Aontaithe sa bhliain 1967, mar atá, Seven Drunken Nights. Chuaigh an grúpa ar an gclár ceoil cáiliúil, Top of the Pops. Ach chuir RTÉ cosc ar chasadh an amhráin ar a stáisiúin siúd mar gheall ar liricí an amhráin a bheith gáirsiúil, dar leo.
Bás
Fuair Ronnie Drew bás ag a dó a chlog ar 16 Lúnasa 2008 in Ospidéal Naomh Uinseann i mBaile Átha Cliath.[1] Bhí ailse air le tamall fada roimhe sin agus bhí a bhean chéile tar éis bás a fháil an bhliain roimhe sin.[2] Bhí beirt pháistí acu, mar atá, Phelim agus Clíona.