An difríocht idir athruithe ar: "SS"

Seasann na litreacha '''SS''' do '''''S''chutz''s''taffel der NSDAP''', is é sin, Scuad Cosanta Pháirtí na Naitsithe. Bhí an SS ar an eagraíocht ba mhíchlúití i stát coiriúil na Gearmáine [[Naitsíochas|Naitsíche]], agus an-pháirt acu san [[Uileloscadh]]. Ar dtús, is mar gharda cosanta d'[[Adolf Hitler]] a bunaíodh an eagraíocht. Nuair a ghabh na Naitsithe an chumhacht, d'iompaigh an SS ina "stát taobh istigh den stát féin", eagraíocht ilchraobhach a raibh forais éagsúla chultúrtha agus eolaíochtúla dá cuid féin aici.

Cuireadh an SS ar bun ar an [[4 Aibreán]] [[1925]]. Ar Ard-Fheis an Pháirtí Naitsíoch sa bhliain 1926, fágadh an SS faoi smacht an SA. Is éard a bhí i gceist leis an SA, nó ''Sturmabteilung'', ná "trúipéirí ruathair" an pháirtí agus iad ní ba neamhspleáiche ar Hitler ná an SS. Sa bhliain 1934, áfach, chuir Hitler an SA faoi chois agus maraíodh cinnirí na heagraíochta seo - is gnách "[[Oíche na Scian Mór]]" a thabhairt ar na himeachtaí seo. I ndiaidh na h-"Oíche", hiompaíodh an SS ina eagraíocht neamhspleách.

I ndiaidh na bliana 1945, cuireadh cosc ar an SS sa [[An Ghearmáin|Ghearmáin]], ós rud é gur eagraíocht choiriúil a bhí ann.

{{stumpasíol}}