An difríocht idir athruithe ar: "Canúint Ghaeilge Uladh"

*''amharc'' féach, breathnaigh. Deirtear ''dearc'' nó ''coimhéad'' freisin. Is ionann ''féach'' agus ''bain triail as'' i nGaeilge Uladh. ''D'fhéach sé le rud a dhéanamh'' = bhain sé triail as rud a dhéanamh.

*''anonn'': ''tá sé ag goil anonn ins an lá'' tá sé ag druidim chun deireanais, tá sé ag éirí deireanach, tá an tráthnóna agus an oíche ag teacht

*''ar son'' as (ucht): ''dhíol mé go daor ar a shon'' d'íoc mé go daor as. ''Ar mhaithe le'' nó ''i bhfách le'' a chloisfeá in Ultaibh mar Ghaeilge ar ''[[An réamhfhocal Béarla for agus conas é a aistriú go Gaeilge|for]]'' an Bhéarla sa chiall ''for the sake of''. - Coinnigh cuimhne air gurb é ''ar son'' a úsáidtear i nGaeilge na hAlban le ''for'' an Bhéarla a aistriú i ngach ciall, nach mór.

*''as miosúr, as pabhar'' as cuimse, an-, as compás

*''bealach'' á úsáid mar réamhfhocal: ''d'amharc sé bealach na farraige'' = bhreathnaigh sé i dtreo na farraige. ''Bealach mór'' a thugtar ar an mbóthar nó ar an ród i nGaeilge Uladh.

*''bunadh na háite'' muintir (dhúchasach) na háite

*''cleiteáil'' cniotáil

*''cuifealán'' cruinneagán de dhaoine (leagan é seo den fhocal ''comhthiolán'', ''comhthionól'')

*''biadh a ghiollacht (giollaigh)'' bia a sholáthar, a chócaráil, a ghléasadh

*''ghoil, ag goil'': sa chiall "dul", úsáidtear an leagan seo, agus é measctha as ''dul'' agus ''gabháil''. Bíonn sé buanséimhithe, mura bhfuil ''ag'' ag teacht roimhe. Níl an fhoirm seo teoranta do Ghaeilge Uladh amháin, mar is léir do chách a d'fhoghlaim Gaeilge Chonamara ón leabhar úd [[Learning Irish]] le [[Mícheál Ó Siadhail]].

*''maistín'' bithiúnach nó bligeard óg, ar nós stócach atá ag déanamh bulaíochta ar a chuid comhscoláirí - nó ag ''maistíneacht'' orthu

*''míodún'' móinéar. Focal iasachta é seo ó ''meadow'' an Bhéarla.

*''moll'' carn, ailp: ''moll cloch'' carn cloch, ''moll airgid'' slám maith airgid

*''muintearas'' gaol; ''duine muinteartha'' gaol, duine gaolmhar

*''murlas'' maicréal

*''oirnéis'' uirlis

*''rioball'' nó ''ruball'' eireaball

*''sampla'': is ionann ''an sampla bocht'' agus an créatúr bocht i nGaeilge Uladh.

*''sceadamán'' scornach

*''scíste'' scíth

*''seanbhaile'' nó ''seanbhailéad'' a dhéanamh de scéal, is ionann sin agus paidir chapaill a dhéanamh de, is é sin, an-fhad agus an-leadrán a bhaint as an scéal.

*''smigead'' smig

*''toisigh/toiseacht'' tosaigh/tosú

*''tuigbheáil, tuigse'' tuiscint