An difríocht idir athruithe ar: "Wolfgang Borchert"

Áirítear '''Wolfgang Borchert''' ([[20 Bealtaine]] [[1921]], [[Hamburg]] - [[20 Samhain]] [[1947]], [[Basel]], [[an Eilvéis]]) ar duine de na scríbhneoirí móra i dtréimhse an chineál litríochta iarchogaidh ar a dtugtar [[Trümmerliteratur]], nó litríocht na bhfothrach, i stair litríochta na [[an Ghearmáin|Gearmáine]]. Bhí a athair, Fritz Borchert, ina mhúinteoir bunscoile, agus bhain a mháthair, Hertha Borchert, amach cáil áirithe áitiúil ag cumadh filíochta i g[[Plattdeutsch|canúint an tuaiscirt]]. Thosaigh an mac ag scríobh dánta nuair a bhí sé cúig bliana déag, agus cuid acu á bhfoilsiú ar an nuachtán áitiúil, ''Hamburger Anzeiger''.

 

==A Shaothar==

Bhí Borchert go mór mór faoi thionchar an [[Eispriseanachas|eispriseanachais]], ach d'fhág leithéidí [[Kurt Tucholsky]] agus [[Erich Kästner]] a lorg air chomh maith. Fuair sé bás go ró-óg le páirt cheart a ghlacadh i saol liteartha na tíre. Bhí sé ag éileamh go dtabharfaí droim láimhe lena raibh ann roimh an gcogadh, ó bhí an litríocht féin náirithe ag an Naitsíochas. Chuaigh an dearcadh seo go mór mór i bhfeidhm ar lucht a chomhaimsire, go háirithe scríbhneoirí [[Gruppe 47]]. "Ní hí an dea-ghramadach atá uainn", a dúirt sé, "ach scríbhneoirí a thugann crann ar chrann agus bean ar bhean. Ní mór gach sórt a scríobh go simplí soiléir, gan dul i dtuilleamaí an mhodha choinníollaigh."

{{síol}}

[[Catagóir:Daoine a rugadh i 1921|Borchert, Wolfgang]]