An difríocht idir athruithe ar: "Edgar Rice Burroughs"
Content deleted Content added
No edit summary |
No edit summary |
||
Líne 1:
Scríbhneoir Meiriceánach ab ea é '''Edgar Rice Burroughs''' a scríobhadh úrscéalta den chineál éadrom. Saolaíodh i Siceagó é ar an chéad lá de Mhí Mheán Fómhair, 1875, agus bhásaigh sé in Encino (Caileafóirnia) ar an naoú lá déag de Mhí na Márta, 1950.
==A Shaol==
Mac le fear gnó a bhí ann a chuaigh leis an tsaighdiúireacht mar ghléas beo ar dtús. Theip an tslí bheatha seo air, áfach, nó siúd is gur chaith sé seal ag staidéar in Acadamh Míleata Michigan, ní bhfuair sé cead isteach i scoil [[West Point]]. Mar sin féin, liostáil sé san Arm agus chuaigh sé ar fiannas sa tseachtú reisimint de mharcshlua na Stát Aontaithe in Arizona. D'éirigh sé as an tsaighdiúireacht sa bhliain 1897, áfach, ó tháinig sé chun solais go raibh fabht ina chroí nach ligfeadh dó coimisiún oifigigh a fháil.
Ina dhiaidh sin, choinníodh Burroughs bia leis féin ag spailpínteacht anseo agus ansiúd, agus ansin, chuaigh sé ag obair do ghnó a athara sa bhliain 1899. Phós sé Emma Centennia Hulbert sa chéad bhliain eile. Ina dhiaidh sin, áfach, chuaigh sé le spailpínteacht arís, in Idaho agus arís sa bhaile i Siceagó.
Bhí Burroughs ag saothrú a choda ag díol biorthóirí peann luaidhe, nuair a thosaigh sé ag cumadh scéalta. Bhí sé thar a bheith míshásta leis na scéalta a léadh sé ar na hirisí laín (''pulp'') a raibh ráchairt na ndaoine orthu ag an am, roimh theacht na scannán agus na teilifíse, agus faoi dheireadh, chinn sé ar an scéalaíocht a mhúineadh dóibh siúd a bhí i mbun na hoibre roimhesean. Sa bhliain 1912, cuireadh an chéad sraithscéal óna pheann i gcló ar an iris ''All-Story''. B'é sin ''Under the Moons of Mars'', a foilsíodh mar leabhar ina dhiaidh sin faoin teideal ''The Princess of Mars''. B'é seo an chéad scéal faoi [[John Carter (Mars)|John Carter]].
Go gairid ina dhiaidh sin, chuaigh Burroughs leis an scríbhneoireacht mar obair lánaimseartha, agus tháinig an chéad leabhar faoi Tarzan ar pár sa bhliain chéanna. B'é Tarzan ba mhó a thuill clú dó mar scríbhneoir, ach thairis sin, scríobh sé cuid mhór scéalta [[ficsean eolaíochta|ficsin eolaíochta]] nach raibh baint acu le Tarzan ná le John Carter.
B'é Tarzan an laoch ba cháiliúla acu go léir, áfach. Nuair a tuigeadh do Burroughs cé chomh tugtha a bhí na léitheoirí do Tarzan, d'fhéach sé le leas a bhaint as Tarzan ar gach aon bhealach, idir scannáin, ghreannáin (coimicí) agus deismireáin. D'iompaigh Tarzan ina bhrainse tionsclaíochta ann féin, agus is íocón cultúrtha é i gcónaí. Sa bhliain 1923, bhunaigh Burroughs a ghnólacht féin, ''Edgar Rice Burroughs, Inc.'', agus de réir a chéile, thosaigh sé ag foilsiú agus ag clóbhualadh a chuid leabhar féin.
==A Shaothar==
Ó pheann Bhurroughs a tháinig an dá charachtar dodhearmadta ar chuala an saol iomrá orthu, mar atá, [[Tarzan]], rí na n-ápaí agus tiarna na dufaire, agus [[John Carter (Mars)|John Carter]], tiarna cogaidh Mharsa.
| |||