An difríocht idir athruithe ar: "Carl von Linné"

Rugadh Carl Linnaeus i [[Råshult]], i gcúige [[Småland]] i ndeisceart na [[An tSualainn|Sualainne]]. Bhí a athair agus a sheanathair ina ministrí roimhe, agus ghlac a mhuintir leis go rachadh sé ag staidéar diagachta chomh maith, ach níor theastaigh uaidh bheith ina mhinistir. Thug dochtúir áitiúil leighis spreagadh dó dul leis an [[luibheolaíocht]], ó ba léir go raibh suim aige sna plandaí. De réir mar a mhol an dochtúir seo, chuir a athair an mac go h[[Ollscoil Lund]], arbh í an ollscoil ba chóngaraí í. Bhí gairdín luibheolaíochta Lund fágtha gan saothrú, rud a bhain an-mhealladh as Carl óg, agus sa bhliain a bhí chugainn, d'aistrigh sé go h[[Ollscoil Uppsala]].

Is é an príomhrud a chur Linnaeus i gcrích ná gur bhunaigh sé córas ainmniúcháin i gcomhair na n-orgánach beo ar glacadh leis go forleathan i saol na heolaíochta. Chuir obair Linnaeus tús leis an [[ainmníocht déthéarmach]] a mbaintear úsáid choitianta aisti le speicis na neachanna beo a shainiú go neamhdhébhríoch. Chomh maith leis sin, d'fhorbair sé an ''tacsanomaíocht Linnaech'' - an córas aicmithe eolaíoch atá in úsáid go forleathan sa bhitheolaíocht go fóill.