An difríocht idir athruithe ar: "Penn-ar-Bed"

Is é '''Penn-ar-Bed''' (''Finistère'' as Fraincis) an contae is faide siar sa [[An Bhriotáin|Bhriotáin]].

 

Tá cósta an Aigéin [[Atlantach|Atlantaigh]] ar thrí thaobh di. Tá Contae Aodoù-an-Arvor suite ar a teorainn oir-thuaiscirt agus tá Contae Mor-Bihan soir ó dheas di.

 

Cruthaíodh Penn-ar-Bed i ndiaidh Réabhlóid na Fraince nuair a aontaíodh Leon leis an gcuid is mó de sean-limistéar [[Bro-Gerne]].

 

Sa bhlian 1999, bhí 852,418 duine ina gcónaí sa chontae, an 24ú líon is mó i measc ''départments'' na Fraince. Bhí 303,484 bailithe i mór-chathair Bhrest ag an am.

 

Is i bPenn-ar-Bed is mó a labhartar [[Briotáinis]]. Bíonn an-chuid féilte ann go háirithe i rith an tsamhraidh.

 

Cé gurb í Brest an chathair is mó i bPenn-ar-Bed, is í [[Kemper]] (''Quimper'' as Fraincis) príomhchathair an réigiúin agus tá an-cháil ar photadóireacht ''Faïence'' atá bunaithe inti. Is ón bhfocal ''kembraeg'' a thagann ainm na cathrach. Ciallaíonn sé 'cumar' agus is ann a thagann trí abhainn, an [[Steir]], [[Odet]], agus an [[Jet]] le chéile. Tá ardeaglais naomh [[Corentin]], a bhfuil dhá thúr uirthi agus dealbh den rí [[Gradlon]] ar muin capaill idir eatarthu. Tá nasc idir Kemper agus [[Luimneach]] in Éirinn.

 

Siar ó thuaidh ó Kemper tá baile iascaireachta [[Douarnenez]], agus de réir an tseanchais is i mbá Douarnenez a bhí cathair [[Ys]] mar a raibh Gradlon ina rí, suite.

 

Is í Brest ceann des na calafoirt is mó san Fhrainc agus tá ionad mór cabhlach na Fraince suite inti freisin. Ba lárionad d'fhomhuireáin na [[An Ghearmáin|Gearmáine]] í le linn an [[Dara Cogadh Domhanda]]. Is inti a thógadh an t-iompróir eitleán Francach, an Charles de Gaulle, ceann de na longa cogaidh is mó ar domhan. Bíonn féilte móra seoltóireachta i mBrest gach bliain. Tá nasc idir í agus [[Dún Laoghaire]] in Éirinn.

 

Tá nasc farantóireachta idir Rosscoff agus [[Corcaigh]], agus bailte i [[Sasana]].

 

 

[[Catagóir:An Fhrainc]]

[[fr:Finistère]]

[[frp:Finistèro (dèpartement)]]

[[gl:Finistère]]

[[gv:Penn-ar-Bed]]