An difríocht idir athruithe ar: "Prótón"

23 bytes added ,  9 mbliana ó shin
m
no edit summary
m
m
Is cáithnín fo-adamhach é an '''prótón''' atá ar fáil i núicléas na n-adamh ar fad - mar sin, is [[núicléón]] é. Tá lucht leictreach deimhneach aige arb ionann é agus aonad fuaimintiúil amháin, nó 1.602 × 10<sup>−19</sup> cúlóm. Is í an mhais atá in aon phrótón amháin ná 1.6726 × 10<sup>−27</sup> cíleagram. Mar sin, tá sé 1836 uair níos troime ná an leictreon. De réir na mbreathnuithe, tá an prótón cobhsaí, is é sin, níl sé de chlaonadh ann titim as a chéile ná meath a theacht air. Ar a laghad, tá [[leathré]] an phrótóin níos faide ná 10<sup>35</sup> bliain.
 
An t-[[iseatóp]] is tábhachtaí atá ag [[hidrigin]], níl de núicléas aige ach aon phrótón amháin. Sin é an fáth go dtuigtear [[próitiam]] air, uaireanta, lena dhealú ón deoitéiriam agus ón tritiam, an dá [[iseatóp]] eile. Sa [[deoitéiriam]], tá [[neodrón]] amháin mar leathbhádóir ag an bprótón, agus sa tritiam, tá dhá neodrón sa núicléas sa bhreis ar an bprótón. Tá na dúile eile ar fad níos cosúla leis an deoitéiriam agus an tritiam ná leis an bpróitiam, nó tá neodróin ina gcuid núicléas chomh maith le prótóin, agus an [[Idirghníomhú láidir|fórsa láidir núicléach]] idir na núicleoin ar fad á gcoinneáil le chéile.
 
Is é líon na bprótón i núicléas an adaimh a thaispeánann an [[dúil]] lena mbaineann an t-adamh áirithe sin. Is é sin, in aon adamh neodrach, caithfidh sé go bhfuil aon leictreon ann in aghaidh gach prótón, le lucht leictreach an núicléis a neodrú. Is é líon na leictreon, arb ionann é agus líon na bprótón, a shocraíonn saintréithre ceimiceacha an adaimh. Mar sin, is gnách a rá gurb é líon na bprótón i núicléas an adaimh a [[uimhir adamhach]]. I d[[tábla peiriadach na ndúl]], tá na dúile curtha in ord ceann i ndiaidh a chéile de réir na n-uimhreacha seo.
92

edits