An difríocht idir athruithe ar: "Alistair MacLean"

| gairm = Úrscéalaí, gearrscéalaí

| seánra = Scéinséirí, eachtraíocht

| síniú =

}}

Scríbhneoir scéinséirí ó [[Albain]] ab ea '''Alistair Stuart MacLean''' ([[Gaeilge na hAlban]]: ''Alasdair Stiubhart Mac Gill-Eathain'') a tháinig chun saoil i mBaile Sheadna, [[Glaschú]], ar an [[21 Aibreán]] [[1922]] agus a fuair bás i [[München]], [[an Ghearmáin]] ar an [[2 Feabhra]] [[1987]]. Scríobh sé a lán scéinséirí agus [[úrscéal]]ta cogaidh, agus [[scannán|scannánaíodh]] cuid mhaith acu, ar nós ''Where Eagles Dare'' agus ''The Guns of Navarone''.

 

 

Ministir [[Protastúnachas|Protastúnach]] a bhí in athair Mhic Gill-Eathain, agus is í an teanga a bhí á labhairt sa bhaile acu ná [[Gaeilge na hAlban]]. Cé gur rugadh i nGlaschú é, chaith sé cuid mhaith dá chéad óige i nDeimhidh, faoi dheich míle ó dheas [[Inbhear Nis|d'Inbhir Nis]]. Bhí sé ar an tríú mac den cheathrar, agus ní raibh deirfiúracha aige.

Bhronn Ollscoil Ghlaschú dochtúireacht litríochta air sa bhliain 1983 mar chéim oinigh as a éacht scríbhneoireachta.

 

 

Murab ionann agus scríbhneoirí scéinséirí eile a linne ní raibh MacLean sásta grá ná craiceann a mheascadh tríd an scéal eachtránaíochta ina chuid úrscéalta, nó bhí sé den bharúil nach raibh a leithéid ach ag cur isteach ar an aicsean. Ba é an t-aicsean an rud ba tábhachtaí leis, muise, nó ina chuid leabhar bíonn na himeachtaí ag dul ar aghaidh go tiubh teirimeach, agus na laochra ag cur troda go dáigh daingean cé nach bhfuil ach caolsheans acu teacht slán as an eachtra. Fear ciniciúil é laoch tipiciúil MacLean, ach san am chéanna tá a chroí ar fad ina chuid oibre, agus é ag fanacht i seilbh a chéille is ag breith ar a stuaim beag beann ar an drocháit ina bhfuil sé. Is minic a thagann deireadh agus fuascailt an scéil salach ar ar tharla i rith an scéil, agus an cara is fearr nó an comhoibrí is dílse dá bhfuil ag an laoch ag iompú amach ina fhealltóir.

 

{{DEFAULTSORT:Maclean, Alistair}}

[[Catagóir:Daoine a rugadh i 1922]]

[[Catagóir:Básanna i 1987]]

[[en:Alistair MacLean]]

[[es:Alistair MacLean]]

[[fr:Alistair MacLean]]

[[gd:Alistair MacLean]]

[[he:אליסטר מקלין]]

[[mr:ऍलिस्टेर मॅकलेन]]

[[nl:Alistair MacLean]]

[[no:Alistair MacLean]]

[[pl:Alistair MacLean]]

[[ro:Alistair MacLean]]

[[ru:Маклин, Алистер]]

[[sv:Alistair MacLean]]