An difríocht idir athruithe ar: "CLG Móin na nGé"

Is club [[Cumann Lúthchleas Gael]] i [[CLG Coiste Luimneach|gContae Luimnigh]] é '''CLG Móin na nGé'''.

 

Tá an club bunaithe sa pharóiste thuathach Móin na nGé in Iarthar Luimnigh idir [[An Caisleán Nua Thiar]] agus Tuar Na Fola, 52km siar ó dheas ó [[Luimneach|Chathair Luimnigh]]. Tagann formhór dá imreoirí ó na sráidbailte Trá agus Móin na Gé agus ó na ceantracha tuaithe máguaird ar nós Baile Sheáin, Goirtín an Gharraí agus Baile Uí Chionaoith agus téann teorainn an pharóiste suas go dti imeall An Chaisleáin Nua Thiar. Imríonn iománaithe ó pharóiste [[CLG Áth an tSléibhe|Áth an tSléibhe]] agus peileadóirí ó pharóiste [[CLG Teampall an Ghleanntáin|Teampall an Ghleanntáin]] leo ó am go ham.

 

Imrítear [[peil Ghaelach|peil]] agus [[iománaíocht|iomáint]] agus, cé go bhfuil traidisiún na hiomána níos láidre sa chlub, tá an béim céanna ar na dá chod faoi láthair.

 

Bhí mórán clubanna peile agus iomána sa cheanntar mórthimpeall Móin na nGé le linn blianta tosaigh [[Cumann Lúthchleas Gael|CLG]] agus bunaíodh club faoin ainm ''Liam Uí Bhriain'' sa pharóiste sa bhliain 1896. Tá tuairisc fúthu ag glacadh páirt i gluiche iomána i gcoinne [[CLG Tuar na Fola|Tuar na Fola]] i Mí Márta na bliana 1899 agus bhíodar an-ghníomhach i gcomórtaisí iomána ar fud iarthair an chontae sna blianta dár gcionn.

 

Bhí na himreoirí céanna ar na fóirne iomána agus peile le linn blianta na 1990í agus, nuair a tháinig an aois anuas orthu, thit iománaithe Mhóin na nGé síos go dti an grád sóisear A sa bhliain 2004 agus lean na peileadóirí iad sa bhliain dár gcionn. Ach i ndiaidh glún nua tar éis teacht chun chinn, d'fhill na hiománaithe ar an dara grád nuair a bhuadar ar [[CLG Stáicéirí de Bhailís|Stáicéirí de Bhailís]] chun Chraobh Sóisear A an chontae a ghabháil don dara uair sa bhliain 2008.

 

Tá páirc imirthe an chluib, Páirc na nGael, suite i sráidbhaile Móin na nGé.

 

I measc imreoirí cáiliúla an pharóiste, tá Liam Ó hEochaidh (''Willie Haugh'', ball foireann Luimnigh a bhuaigh [[Craobh Iomána Sinsearach na hÉireann|Craobh Iomána Sinsear na hÉirann]] sna bliain 1918, nuair ba chaptaen é, agus arís sa bhliain 1921), Labhrás Ó Síocháin (''Larry Sheehan'' a bhuaigh bonn [[Corn Sam Mhic Uidhir|Craobh Peile Sinsear na hÉireann]] sa bhliain 1896) agus Seán Ó Flaithimhín (''John Flavin'', fear ionad ar fhoireann Luimnigh a chaill cluiche ceannias [[Craobh Iomána Sinsearach na hÉireann|iomána sinsear na hÉireann]] na bliana 1994).

 

* [http://homepage.eircom.net/~monageagaa/index.html/ Monagea GAA (Béarla)]

* [http://limerick.gaa.ie/ Limerick GAA (Béarla)]

* [http://www.askaboutireland.ie/reading-room/sports-recreation/sport/o-ceallaigh-gaa-collectio/content-of-the-o-ceallaig/ Altanna nuachtáin a fhoilsíodh faoi stair CLG i gContae Luimnigh (Béarla)]

 

{{reflist}}

 

{{Clubanna CLG i gContae Luimnigh}}