An difríocht idir athruithe ar: "Cathal Ó Sándair"

m
Róbat: Athruithe cosmaideacha
m
m (Róbat: Athruithe cosmaideacha)
Scríbhneoir [[Gaeilge]] ba ea '''Cathal Ó Sándair''' ([[15 Iúil]], [[1922]] - [[18 Feabhra]] [[1996]]). Áirítear gur scríobh sé timpeall 160 leabhar, eachtraí gearra don óige a bhformhór. Rugadh i [[Weston-super-Mare]] [[Sasana|Shasana]] é, mac le [[dornálaíocht|dornálaí]] darbh ainm Simon "Darkey" Saunders, agus le Florence Elliot as [[Baile Átha Cliath]]. Bhí triúr deartháireacha agus deirfiúr amháin ag Cathal. Ba dhuine acu an dornálaí clúiteach Jack a bhuaigh craobh na hÉireann i meáchain éagsúla sna blianta [[1937]] agus [[1938]]. D'aistrigh an teaghlach go h[[Éire|Éirinn]] agus chuaigh Simon Saunders isteach in arm an t[[Saorstát Éireann|Saorstáit]]. Chaith sé seal mar thiománaí ag an Aire [[Caoimhín Ó hUiginn]].
 
[[Íomhá:Dúnmharbhú.jpg|deas|mion|150px|''Eachtraí Réics Carló'', Uimh. a Ceathair: ''Dúnmharbhú i bPáirc an Chrócaigh'' ([[1944]])]]Fuair Cathal a chuid meánoideachais i Sráid Synge leis na [[Bráithre Críostaí]]. Fiú agus é sa bhunscoil bhí spéis ag Cathal sa Ghaeilge agus cuireadh chun na [[Gaeltacht|Gaeltachta]]a é agus é deich mbliana d'aois. Scríobh sé gearrscéal Gaeilge a foilsíodh in iris óige na mBráithre, ''Our Boys'', agus sé bliana déag aige. Chuaigh sé isteach san [[An tAerchór|Aerchór]] tar éis dó an scoil a fhágáil agus chaith sé na blianta ina dhiaidh sin ag obair mar [[státseirbhís|státseirbhíseach]]each. Bhí sé ag scríobh don pháipéar nuachta ''[[Inniu]]'' agus gníomhach i n[[Glúin na Buaidhe]].
 
Foilsíodh a chéad leabhar do pháistí, ''Tríocha Píosa Airgid'', sa bhliain [[1942]], agus thosaigh sé ar shraith de scéalta bleachtaireachta le ''Na Mairbh a d'Fhill'' an bhliain a bhí chugainn. Tuairim is céad leabhar a scríobh sé faoin mbleachtaire [[Réics Carló]] agus bhí díol an-mhór orthu ar feadh breis agus fiche bliain. Bhí sraitheanna eile aige freisin, faoi shirriam in [[An tIarthar Fiáin|Iarthar Fiáin Mheiriceá]], Réamonn Óg, an spástaistealaí an Captaen Spéirling agus laochra eile. D'éirigh sé as a phost sa bhliain [[1953]] agus chuaigh leis an scríbhneoireacht go lánaimseartha, an t-aon scríbhneoir Gaeilge dáiríre ar éirigh leis é sin a dhéanamh. Ach tar éis deich mbliana den sclábhaíocht a bhain leis sin chuaigh sé ar ais sa státseirbhís ina oifigeach custaim.
Fuair sé bás an 18 Feabhra 1996.
 
== Roinnt saothar leis ==
(Library of Congress, Washington, DC)
 
* ''Buachaillí Chluain Éanna'' 1952)
* ''Cailíní Chluain Éanna agus fear an chlóca dhuibh'' (1954)
* ''An chathair seo 'gainne'' (1946)
* ''Cluain Éanna arís'' (1952)
* ''An corpán s trúnc'' (1944)
* ''Dúnṃharbhú i bpáirc an chrócaigh'' (1944)
* ''An gluaisteán sídhe'' (Baile Átha Cliath [Dublin]: Oifig an tSoláthair, 1945)
* ''Jacko agus scéalta eile'' (1944)
* ''An lá geal'' (1945)
* ''Mo chara, mo namhaid'' (Baile Átha Cliath [Dublin]: Oifig an tSoláthair, [1967])
* ''Réics Carló ar an ngealaigh'' (1950)
* ''Réics Carló ar dhá eachtra eile'' (1950)
* ''Réics Carló ar Oileán Mhanann'' (Baile Átha Cliath [Dublin]: Oifig an tSoláthair: Le ceannach ón Oifig Dhíolta Foilseachán Rialtais, 1984)
* ''Réics Carló san Aifric'' (1951)
* ''Réics Carló san Éigipt'' (1951)
* ''Soir ón Rio Grande'' (1949)
* ''Súile an fodhail'' (1946)
* ''An t-eiteallán do-fheicthe'' (1943)
* ''Triocha písa airgid'' (1943)
* ''Uathbhás i mBrugh na Bóinne'' (1944)
 
== Naisc Sheachtracha ==
* http://www.cathalosandair.com/
 
[[RangCatagóir:Scríbhneoirí Éireannacha|Ó Sándair, Cathal]]
[[RangCatagóir:Daoine a rugadh i 1922|Ó Sándair, Cathal]]
[[RangCatagóir:Básanna i 1996]]
 
[[Rang:Scríbhneoirí Éireannacha|Ó Sándair, Cathal]]
[[Rang:Daoine a rugadh i 1922|Ó Sándair, Cathal]]
[[Rang:Básanna i 1996]]
[[en:Cathal Ó Sándair]]
20,103

edits