Is é '''an t-uaschuarc''' nó '''u-chuarc''' (''ón a shiombail'u' 'u') an [[cuarc]] is éadroime de na cuairc go léir, cineál de [[buncháithnín|bhuncháithnín]] is ea é, agus is mórchomhábhar an [[damhna]] é. Is iad na cuarcanna atá de dhíth leis an [[neodrón]] is an [[prótón]] a dhéanamh ná an t-uaschuarc is an t-íoschuarc. Bíonn na neodróin comhdhéanta de 1 uaschuarc agus 2 íoschuarc agus na prótóin comhdhéanta de 2 uaschuarc agus 1 íoschuarc. Tá sé mar chuid de chéad [[Glúin (fisic cháithníní)|ghlúin]] an damhna, agus tá [[lucht leictreach]] de 2 / 3 e aige agus mais lom de 1.5-3.3 MeV/c2. Cosúil le gach cuarc, is fearmón bunúsach é le casadh-1 / 2, agus braithann sé na ceithre idirghníomhaíochtaí bunúsacha: [[Imtharraingt]], [[leictreamaighnéadas]], [[idirghníomhaíochtaí laga]], agus [[idirghníomhaíochtaí láidre]]. Is é [[frithcháithnín]] an uaschuairc an [[frithuaschuarc]] (''ar a dtugtar in amanna an cuarc frithuas nó go simplí an frithuas''), a bhíonn difriúil uaidh sa mhéid is go mbíonn a airíonna ar comhmhéid nó len a mhalairt comhartha.
