An difríocht idir athruithe ar: "Canúint Ghaeilge Uladh"

Tabhair faoi deara freisin go bhfuil sé de chlaonadh san -ó- fhada in iarmhíreanna an mhodha choinníollaigh gus na haimsire fáisteanaí dingeadh isteach sa dara siolla i dtamhan an bhriathair, más briathar sioncópach atá againn, ar nós ''ceangail'': ''ceanglóchaidh'' ~ ''ceangólfaidh'', mar shampla. San fhuaimniú, níl anseo ach meititéis: [k'anglahi] ~[k'angalhi]. Cloiseann an tUltach foirmeacha na mbriathar cosúil le ''sábháil'' díreach mar a bheadh ''-ó-'' sáiteach den chineál chéanna ann, is é sin, cloiseann sé ''sábhálfaidh'' mar a bheadh ''sábhólfaidh'' ann, [sa:walhi], agus mar sin, is dual dó an fhoirm seo a athrú go ''sábhlófaidh'' [sa:wlahi]. Faoi thionchar na meititéise seo tagann foirmeacha cosúil le ''sábhlaíonn'' (in áit ''sábhálann'') in úsáid (cf. ''ceanglaíonn'').

 

 

Maireann cuid mhaith foirmeacha neamhrialta ag na briathra nach gceadaítear sa chaighdeán oifigiúil, go háirithe an t-idirdhealú idir na foirmeacha spleácha is na foirmeacha neamhspleácha san aimsir láithreach: ''gheibh/ní fhaigheann'' (''faigheann/ní fhaigheann'' an leagan caighdeánaithe - ón taobh eile de, is féidir ''go ngeibheann'' agus ''ní gheibheann'' a chloisteáil i n[[Gaeilge na Mumhan]]), ''tchí/ní fheiceann'' (in áit ''feiceann/ní fheiceann'' an chaighdeáin oifigiúil - arís, is é ''cíonn/ní chíonn'' an rud a chloisfeá i g[[Cúige Mumhan]]) 7rl.