|
[[Íomhá:Focal.ie.gif|thumb|deas|220px|Lógó an tsuímh]]
==Focal.ie==
===An Bunachar Náisiúnta Téarmaíochta don Ghaeilge===
Seo é an bunachar náisiúnta téarmaíochta don [[Gaeilge|Ghaeilge]] a d’fhorbair Fiontar, [[Ollscoil Chathair Bhaile Átha Cliath|Ollscoil Chathair Bhaile Átha Cliath]] i gcomhpháirt leis an gCoiste Téarmaíochta, [[Foras na Gaeilge|Fhoras na Gaeilge]]. Cuireadh an chéad chéim den obair i gcrích le cúnamh ó INTERREG III A (2004–7). Faoi Chéim I rinneadh scata bunliostaí ar phár agus ábhar leictreonach a dhigitiú agus a chomhtháthú i mbunachar. Leanann FIONTAR, DCU de bhainistiú na hacmhainne seo le maoiniú ar bhonn tionscadail ó [[Foras na Gaeilge|Fhoras na Gaeilge]].
Is bunachar náisiúnta téarmaíochta don [[Gaeilge|Ghaeilge]], maoinithe ag an AE tríd an gclár Interreg IIIA é '''Focal.ie'''.
Tá os cionn 325,000 téarma ar fáil sa bhunachar agus iad inchuardaigh faoi na leaganacha Gaeilge agus Béarla. Bhain os cionn 880,000 cuairteoir uathúil leas as an suíomh idir 2006 agus 2011. Thug na daoine sin 3.9 milliún cuairt ar an suíomh agus rinne siad breis is 25 milliún cuardach lena linn sin. De réir suirbhé úsáideoirí a rinne FIONTAR in 2010, is aistritheoirí agus ateangairí mar aon le mic léinn ollscoile is mó a bhaineann úsáid as an suíomh.
Tá ''Focal.ie'' arna fhorbairt ag [[Fiontar]], [[Ollscoil Chathair Bhaile Átha Cliath|DCU]] le comhoibriú agus le páirtmhaoiniú ó [[Foras na Gaeilge|Fhoras na Gaeilge]].
Tá go leor forbairtí déanta ar an mbunachar ó seoladh é, lena n-áirítear bailiúchán nua de théarmaí spóirt, acmhainní d’aistritheoirí agus an suíomh a cheangal le Nua-Chorpas na hÉireann.
Cuireadh tús le Céim IV (2011–2014) den tionscadal ar 1 Aibreán 2011 agus seo a leanas spriocanna na céime seo:
* Ordlathas nua réimsí eolais a chur i bhfeidhm tríd síos, bunaithe ar DANTERM.
* An bunachar a cheangal le Corpas Náisiúnta na Gaeilge;
* Sainmhínithe a chur le téarmaí áirithe;
* Foclóir nua de théarmaí ealaíon a thiomsú [http://focal.ie/About.aspx?Topic=arts.ga féach...];
* An foclóir nua de théarmaí spóirt a chríochnú amach [http://focal.ie/About.aspx?Topic=sport.ga féach...];
* Leagan den bhunachar a fhoilsiú ar CD-ROM;
* Leagan den suíomh a fhorbairt do ghléasanna móibíleacha.
== Gradam ==
Bhuaigh [http://www.focal.ie www.focal.ie] an duais ‘An Suíomh Gaeilge is Fearr’ ag na Irish Web Awards 2008 agus an Duais Eorpach do Theangacha, An Lipéad Teanga, in 2007.
Bhuaigh an acmhainn idirlín seo gradam "An Suíomh Gaeilge is Fearr" ag The Irish Web Awards ar 25 Deireadh Fómhair 2008.<ref>http://www.focal.ie/About.aspx?Topic=iwa.ga</ref>
==Naisc sheachtracha==
*[http://www.focal.ie/ An Bunachar Náisiúnta Téarmaíochta don Ghaeilge], ''An Bunachar Náisiúnta Téarmaíochta don Ghaeilge'' Leathanach baile
== Tagairtí ==
{{reflist}}
|url=http://focal.ie/About.aspx
|accessdate=2012-04-03
{{stumpa}}
[[Catagóir:Láithreáin ghréasáin]]
[[en:Focal.ie]]
| 