An difríocht idir athruithe ar: "Antares (réalta)"

Is í '''Antares''' nó ''Alpha Scorpii'' an séú [[réalta]] déag is gile i spéir na hoíche, agus í ar ceann de na ceithre réalta is gile in aice leis an éiclipteach in éineacht le hAldebaran, Spica, agus Regulus. Réalta mhallathraitheach í Antares, agus í +1.09 ar meánmhéid.

Is ollfhathachréalta í Antares, agus is é a rangú [[Réalteolaíocht|réalteolaíoch]] ná M1.5Iab-b - is é sin, réalta cuíosach fuar í, agus í [[dearg]] ar a dath. Is ionann a ga agus ga na [[An Ghrian|Gréine]] méadaithe faoi 883, agus dá gcuirfí in áit na Gréine í, bheadh fithis [[Mars (pláinéad)|Mharsa]] féin taobh istigh den réalta. De réir an tsaobhdhiallais, is féidir a oibriú amach go bhfuil Antares suite faoi 550 solasbhliain, nó 170 parsoic, den Domhan s'againn. Tá a hamharclonrachas timpeall ar 10,000 oiread agus amharclonrachas na Gréine, ach is mar radaíocht infridhearg a astaíonn sí an chuid is mó dá cuid [[fuinneamh|fuinnimh]], agus mar sin, tá a lonrachas bólaiméadrach timpeall ar 65,000 oiread agus lonrachas bólaiméadrach na Gréine. (Is éard is lonrachas bólaiméadrach ná tomhas ar lonrachas na réalta a chuireann san áireamh na cineálacha eile radaíochta i mbreis ar an [[solas]] infheicthe.) Mór millteanach is mar atá Antares, níl ach mais na Gréine méadaithe faoi 15 nó 18 ann, agus mar sin, tá an mhais sin scaipthe an-tanaí sa réalta.