An difríocht idir athruithe ar: "Fredericton"
Content deleted Content added
Leathanach cruthaithe le 'Príomhchathair New Brunswick, cúige de chuid Cheanada, is ea Fredericton. Le cois rialtas an chúige, tá dhá ollscoil i bhFredericton, móide roinnt...' |
No edit summary |
||
Líne 1:
[[Íomhá:Downtown Fredericton.jpg|mion|225px|dheis|Halla an bhaile agus na cúirteanna i lár Fredericton]]
Príomhchathair [[New Brunswick]], cúige de chuid [[Ceanada|Cheanada]], is ea Fredericton. Le cois rialtas an chúige, tá dhá ollscoil i bhFredericton, móide roinnt foras cultúir a leithéidí an Gailearaí Ealaíne Beaverbrook, Músaem York Sunbury agus The Playhouse, a dhéanann freastal ar lucht na n-ealaíon léirithe. Bíonn féile cheoil bhliantúil ann, mar atá an Harvest Jass & Blues Festival, agus tá ráth ar cheoltóirí indie rock ann.
Tá Fredericton suite i lár thiar theas New Brunswick, ar an Abhainn St. John. Tá an rannóg phoiblí tábhachtach i ngeilleagar na cathrach mar gheall ar a stádas mar phríomhchathair an chúige ach tá an rannóg trádálach agus teicneolaíocht faisnéise láidir chomh maith. De réir an daonáirimh sa bhliain 2011, bhí 56,224 duine ina gcónaí i bhFredericton féin agus 94,268 i mórcheantar na cathrach. Is é Fredericton an tríú cathair is mó sa chúige: tá [[Saint John]] agus [[Moncton]] níos mó ná é.
Bhí Indiaigh de na treibheanna Mi’kmaq agus Maliseet ina gcónaí sa réigiún sular tháinig na hEorpaigh go dtí an áit. Bhí sórt príomhbhaile ag na bundúchasaigh seo cúpla míle slí níos faide thuas an Abhainn St. John, baile beag ar ar tugadh Aucpaque. Lonnaigh [[Acadaigh]] san áit freisin sna 1730idí ach chuir na Briotanaigh a sráidbhaile le tine sa bhliain 1762. Chuir Dílseoirí fúthu sa bhliain 1783 agus iad ar teitheadh ón [[Cogadh Réabhlóideach Mheiriceá|Réabhlóid Meiriceánach]]. Fuair cuid acu bás mar bhí geimhreadh na bliana úd thar a bheith fuar. Rinneadh cathair den bhaile sa bhliain 1785 leis an ainm Fredericton.
==Nasc Seachtrach==
* [http://www.fredericton.ca/ Suíomh Chathair Fredericton]
{{síol}}
| |||