An difríocht idir athruithe ar: "Béal Feirste"

Is iad na múrphioctúirí a thabhaigh a chliú, nó a mhíchliú, d'Iarthar Bhéal Feirste, nó "díogha Bhéal Feirste", mar a deir an t-imeartas focal (is é sin, ghnítear ''Worst Belfast'' de ''West Belfast'' i mbéal na ngoineadóirí). Ar na múrphioctúirí a aithnítear sainchreideamh agus saindearcadh polaitiúil an bhunaidh áitiúil. Na múrphioctúirí a tchíthear ins na compail [[Protastúnachas|Albanacha]], bíonn siad saibhir i móitífeanna a léiríonns urraim an phobail do Choróin na Breataine, d'[[Fórsa Óglaigh Uladh|Fhórsa Óglaigh Uladh]] (UVF) agus do dhronga paraimíleata eile de chuid na n[[Dílseoir]]í. Is é [[Bóthar na Seanchille]] an ceantar is mó Prodasnachais. Ón taoibh eile de, is iad na móitífeanna is ansa le péintéirí múrphioctúirí [[Bóthar na bhFál|Bhóthar na bhFál]] na hÓglaigh de chuid na [[IRA Sealadach|Sealadach]] a fuair bás i machaire an áir ar son athaontú na hÉireann. Mar sin, is iomaí pioctúir a thaispeánanns duine acu siúd - Roibeard Ó Seachnasaigh mar shampla - nó duine de na laochra is sine, cosúil le Pádraig Mac Piarais nó Séamus Ó Conghaile. Maille leofa siúd, bíonn tagairtí ann don chultúr Ghaelach agus don teangaidh Ghaeilge féin.