An difríocht idir athruithe ar: "Barack Obama"

Saolaíodh Barack Obama sa bhliain 1961 in [[Honolulu]], [[Haváí]], agus é ar an chéad uachtarán a tháinig chun saoil ar an oileán siúd. Eacnamaí ón [[An Chéinia|Chéinia]] ó dhúchas i bhí ina athair Barack Obama sinsear agus antraipeolaí Mheiriceánach a bhí ina mháthair Stanley Ann Dunham. Chuir an bheirt aithne ar a chéile den chéad uair agus iad ag staidéar na Rúisise ag Ollscoil Haváí thiar sa bhliain 1960. Phós siad in [[Maui]] ar an 2 Feabhra 1961 ach níorbh fhada go raibh a mac breithe ná gur bhog a mháthair soir go Meiriceá chun freastal ar Ollscoil Washington in [[Seattle]] ar feadh bliain amháin, agus a mac óg in éineacht léi. Agus céim san eacnamaíocht bainte amach ag Barack sinsear in Haváí, bronnadh scoláireacht air chun cur lena chuid oideachais in Ollscoil Harvard. Críochnaíodh an pósadh le colscaradh sa bhliain 1964. D'fhill Barack sinsear ar a thír dhúchais sa bhliain chéanna, áit inar phós sé in athuair. Níor thug sé riamh ach aon chuairt amháin ar a mhac agus é ag éirí aníos ar Haváí agus cailleadh i dtimpiste bhóthair é sa bhliain 1984.