Is teanga Iar-Ghearmáinice í an '''Afracáinis''', agus í an-chosúil leis an [[Ollainnis]]. Labhraítear san [[an Afraic Theas|Afraic Theas]] agus sa [[An Namaib|Namaib]] í thar aon áit eile, ach tá teacht ar an gcorr-chainteoir sa [[an Bhotsuáin|Bhotsuáin]], i [[Leosóta]], sa t[[An tSuasalainn|tSuasalainn]], sa t[[An tSiombáib|Siombáib]], agus sa t[[An tSaimbia|Saimbia]] chomh maith. De thoradh na himirce ón Afraic Theas, tá timpeall ar 30.000 cainteoir Afracáinise ina gcónaí sa [[An Ríocht Aontaithe|Ríocht Aontaithe]]. Tá pobail thábhachtacha i b[[Perth]] san [[An Astráil|Astráil]], i d[[Toronto]], [[Ceanada]] agus [[Auckland]] sa [[An Nua-Shéalainn|Nua-Shéalainn]] freisin. Tá dhá ghrúpa eitneacha ann a úsáideann an Afracáinis thar aon teanga eile, mar atá, na Bóraigh (''boers''), is é sin, na Geala a labhraíonn an teanga, agus na Daiteánaigh a labhraíonn í, ar nós na ''basters'', Malaeigh an Chinn (''Cape Malays''), agus na ''Griquas''.
