An difríocht idir athruithe ar: "Béising"
Content deleted Content added
m Bot: Migrating 1 interwiki links, now provided by Wikidata on d:q956 (translate me) |
No edit summary |
||
Líne 21:
}}
Is í '''Béising''' ([[Sínis]]: '''Běijīng Shì''', '''北京市''') príomhchathair [[Daon-Phoblacht na Síne|Dhaon-Phoblacht na Síne]], agus í ar ceann de na cathracha is mó daonra ar fud an domhain. Sa bhliain 2012 bhí fiche milliún, sé chéad nócha agus trí mhíle duine (20,693,000 duine) ina gcónaí i mBéising. Níl sí ar an gcathair is mó daonra sa tír áfach, nó tá fiche agus trí mhilliún duine ina gcónaí i [[Shang-hai]]. Is í Béising an chathair is tábhachtaí sa tSín ó thaobh na polaitíochta agus an chultúir de. Bardasacht í cathair Bhéising atá faoi smacht díreach an rialtais náisiúnta. Tá ceithre cinn déag de cheantair uirbeacha nó fho-uirbeacha ann chomh maith le dhá chúige tuaithe.
Mol lárnach tráchta í Béising chomh maith, agus tá ceanncheathrúna na ngnólachtaí is mó faoi úinéireacht an Stáit suite ansin. Tá Aerfort Idirnáisiúnta Bhéising ar an dara haerfort is gnóthaí sa domhan, más i líon na bpaisinéirí a thomhaistear é.
Téann stair na cathrach trí mhílaois siar. Is deacair teacht ar mhórchathair chomh fadsaolach céanna sa domhan, agus chuirfeadh teampaill, páláis, tuamaí, ballaí agus geataí stairiúla na cathrach draíocht ar aon duine.
Maidir leis an stair chomhaimseartha, ní mór an sléacht i g[[Cearnóg Tiananmen]] sa bhliain 1989 a lua. Faoi thionchar na n-imeachtaí in Oirthear na hEorpa san am chéanna, chuaigh na mic léinn amach sna sráideanna ag agóidíocht agus ag éileamh daonlathais. Sa deireadh, cuireadh tancanna agus saighdiúirí ag ceansú na n-agóideoirí, agus dealraíonn sé go bhfuair na mílte bás de thoradh na cniogbheartaíochta seo.
Sa bhliain [[2008]], tháinig lúithnirí an domhain le chéile i mBéising le [[Cluichí Oilimpeacha]] an tSamhraidh a imirt.
== Aeráid ==
| |||