An difríocht idir athruithe ar: "Bás"

Nuair a bhíonn deireadh le gach gníomhaíocht cheallach atá riachtanach don bheatha, buille an chroí is an [[riospráid]], agus nach féidir na córais sin is an duine a athbheochan. Níl sainmhíniú beacht buan ar an mbás, agus tagann an dlí, an [[Míochaine|mhíochaine]] is infhaighteacht gartharrthála is meaisíní áirithe san áireamh. Feictear an éiginnteacht seo go soiléir i gcás duine atá ar [[Meaisín|mheaisín]] tacaíochta beatha ar feadh i bhfad gan aon athrú chun feabhais. I dtíortha áirithe sainmhíníonn an dlí gurb ionann bás is bás na [[Inchinn|hinchinne]]. Sna tíortha forbartha is iad galair chorónacha croí agus ailse na cúiseanna is coitianta le bás daoine, ach i dtíortha bochta atá i mbéal forbartha, is ionfhabhtuithe ([[maláire]], eitinn, [[SEIF]]) na cúiseanna is coitianta. Bíonn garghaol idir rátaí báis i dtír ar bith agus bochtanas, dífhostaíocht, tithíocht, [[oideachas]] is caighdeán an chóras sláinte.