An difríocht idir athruithe ar: "Polaimiailíteas"

[[Galar]] [[Víreas|víreasach]] a ionsaíonn damhna liath [[Corda an dromlaigh|chorda an dromlaigh]] go tobann. Tolgtar an víreas ó bhia nó uisce truaillithe, agus cuireann sé isteach ar pháiste go príomha. Ionsaíonn sé na cealla i líneáil na stéige ar dtús, agus faigheann an páiste [[buinneach]]. Ansin, i dtimpeall 1% de na cásanna, gluaiseann sé isteach i gcealla néarón luadrach i gcorda an dromlaigh, na néaróga a sholáthraíonn na matáin ar fud na colainne. Má mhilltear na cealla sin, cuirfidh sin tús le [[pairilis]] a fhéadfaidh cur isteach ar ghéag. Más néaróin a sholáthraíonn na [[Scamhóg|scamhóga]] a mhilltear, is féidir go mbeidh sé sin marfach. Mharaigh is mhíchumasaigh an galar an-chuid páistí is daoine fásta sa chéad leath den [[20ú haois|20ú céad]], nuair a thugtaí an naíonphairilis air agus nach raibh aon leigheas air. D'fhionn Jonas Salk an chéad vacsaín i gcoinne polaimiailítis i [[1953]], agus le vacsaíní is feabhsuithe i sláinteachas, is ar éigin nach bhfuil deireadh curtha leis faoi seo.▼