An difríocht idir athruithe ar: "Pobal Éireannach na Breataine"

Tháinig Éireanaigh bhochta ina rabharta anall le linn an Drochshaoil sna 1840í. Ina dhiaidh sin tháinig laghdú éigin ar líon na n-inimirceach, agus méadú eile idir tríochaidí agus seascaidí an fichiú haois. Ba é seo an toradh a bhí ar ghanntanas oibre sa bhaile agus ar éileamh ar sclábhaithe sa Bhreatain, go háirithe sa tionscal tógála.

Ba iad contaethe an iarthair agus an deiscirt a sholáthair formhór na n-inimirceach sa 19ú haois. Imirceacht shéasúrach agus shealadach a bhí ann go minic, agus [[meitheal|meithleacha]] oibrithe ag filleadh abhaile sa gheimhreadh agus san Earrach. Faoi na 1930í ba í an Bhreatain ba rogha le himircigh Éireannacha thar aon tír eile. Tháinig neart eile, idir fhir agus mhná, i rith an [[Dara Cogadh Domhanda]] (1939-45) agus sna caogaidí, agus iad ag cur fúthú i [[Londain]], i [[Learpholl]], [[Manchain]], in [[Birmingham]] agus in [[Luton]].

Is mór an pobal Éireannach atá in [[Birmingham]] agus paráid an-mhór [[Lá Fhéile Pádraig]] dá chomhartha sin. Is é [[Digbeth, Birmingham|Digbeth]] an ceantar is Gaelaí. Bhaineadh na hÉireannaigh amach Birmingham ar lorg oibre ar na canálacha, na bóithre agus na iarnróid, nó sna monarchana. De shliocht Éireannach cuid mhór den phobal fós, agus d'fhág siad a rian ar an áit. Tá Ardeaglais Naomh Chad ar an gcéad teampall Caitliceach a tógadh sa Bhreatain i ndiaidh an [[Reifirméisean|Reifirméisin]]. [http://www.irishquarterbirmingham.com/community.htm]

Is fada agus is läidir an ceangal atá idir [[Albain]] agus Cúige Uladh. Is gearr ó chósta iarthearach na hAlban iad [[Contae Dhún na nGall]], [[Contae Aontroma]] agus [[Contae an Dúin]]. Sa bhliain 2001 ba de shliocht Éireannach 20% den phobal, agus in Éirinn a rugadh 55,000 den phobal (1.1% de dhaonra na hAlban). De shliocht Éireannach leath phobal [[Drochaid an Chóta, Albain|Dhrochaid an Chòta]] i [[Siorrachd Lannraig]], cé go bhfuil an céatadán íseal go leor sa chuid eile den siorramacht.