An difríocht idir athruithe ar: "An Bhratasláiv"

Is í '''an Bhratasláiv''' ([[An tSlóvaicis|Slóvaicis]]: ''Bratislava'', seanainm Slóvaicise: ''Prešporok'', [[An Ungáiris|Ungáiris]]: ''Pozsony'', [[An Ghearmáinis|Gearmáinis]]: ''Pressburg'', [[An Laidin|Laidin]]: ''Posonium'') príomhchathair na [[An tSlóvaic|Slóvaice]], agus í ar an gceann is mó de chathracha na Slóvaice fosta, ó tá cónaí ar 450,000 duine ansin. Is í lárionad polaitíochta, cultúir agus eacnamaíochta na tíre í. Tá sí suite ar an dá thaobh den [[An Danóib|Danóib]], agus í an-chóngarach do theorainn na h[[An Ostair|Ostaire]] agus na h[[An Ungáir|Ungáire]]. Is í an t-aon phríomhchathair amháin ar fud an domhain atá ag críochantaíocht le dhá thír choimhthíocha, agus níl sí ach faoi chaoga ciliméadar ó phríomhchathair na hOstaire, [[Vín]].

Tá áitreabh daonna anseo ó laethanta na Clochaoise Neoilití anuas, ach is dócha gurb iad na ''Boii'', an treibh Cheilteach a bhronn a hainm ar an mBoihéim i bPoblacht na Seice, a chuir tús leis an gcéad "chathair" san áit seo tá dhá chéad bliain [[RCroimh Chríost|roimh bhreith Chríost]]. Ní raibh ann ach ''oppidum'', mar a thugann an [[An Laidin|Laidin]] ar a leithéid, nó ráth. Bhí muileann airgid ag na ''Boii'' san áit, agus is díol suntais iad na boinn airgid a bhí á mbualadh ansin: is gnách ''biatec'' a thabhairt orthu, toisc gurbh é sin ainm an taoisigh a bhí le feiceáil ar na boinn.