An difríocht idir athruithe ar: "An Cheathrú Rua"

Sráidbhaile mór is ea '''An Cheathrú Rua''' (''Carraroe'' as [[An Béarla|Béarla]] go traidisiúnta) atá suite i g[[Contae na Gaillimhe]], [[Éire]]. Tá sí i lár [[GaeltachtAn Ghaeltacht|Ghaeltacht]] [[Conamara|Chonamara]]. Tá tarraingt ar an gCeathrú Rua mar cheantar turasóireachta le fada an lá. Tá clú agus cáil ar [[Húicéirí na Gaillimhe]] (Púcáin) agus ar Thrá an Doilín. Tagann formhór na dturasóirí chuig an gceantar chun iad a fheiceáil agus [[An Ghaeilge|Gaeilge]] a fhoghlaim. Tagann go leor eile chun blaiseadh den chultúr agus den traidisiún láidir atá ar fud na háite. I rith an tsamhraidh cuirtear ranganna Gaeilge ar fáil do dhaoine fásta. Is ar an gCeathrú Rua atá [[Coláiste Chiaráin]] suite, agus na mílte scoláire óga ag teacht ansin gach uile bhliain chun freastal ar na cúrsaí Gaeilge. Bíonn geallta báid agus [[Iomradhiomramh|rásaí curach]] ar an mbaile freisin.

Is í an Ghaeilge (Canúint [[Cúige Chonnacht|Chonnachta]] go sainiúil) príomhtheanga labhartha na Ceathrún Rua, agus tá sí ar na háiteanna is láidre Gaeilge i nGaeltacht Chonnacht agus in Éirinn na laethanta seo. Tá thart ar 3,400 duine ina gcónaí sa [[sráidbhaile]] agus labhraíonn thart ar 85% acu Gaeilge go laethúil, de réir fhigiúirí [[Scéim Labhairt na Gaeilge]].