Spokane, Washington

Cathair in oirthear stát Washington is ea Spokane. Is ainm treibhe Indiaigh sa cheantar é Spokane agus is é "Páistí na Gréine" an chiall atá leis (go litriúil, ní sa chiall atá leis sa Ghaeilge). Chuir an North West Company post trádála ar siúl ann sa bhliain 1810 a tugadh Spokane House air. Thosaigh daoine de shliocht Eorpach ag cur fúthu go buan sa bhliain 1871 agus rinneadh cathair de Spokane go hoifigiúil sa bhliain 1881. Cuireadh críoch leis an Northern Pacific Railway sa bhliain chéanna, rud a chuir go mór le fás dhaonra an cheantair. Tá 208,916 duine ina gcónaí sa chathair de réir dhaonáirimh na bliana 2010.