Is [[Láithreán Gréasáin|suíomh gréasáin]] comhroinnte físeán é '''YouTube''',. ar arIs féidir le húsáideoirí físeáin a uaslódáil agus a chomhroinnt, chomh maith le féachaint ar na físeáin chéanna. Chuir iarfhostaithe de chuid [[PayPal]] tús leis sa bhliain 2005, ach is fochuideachta de chuid [[Google]] é anois ó cheannaigh an comhlacht sin é ar $1.65 billiún i Samhain 2006. Tá ceanncheathrú an chomhlachta suite in San Bruno, [[California]] agus úsáideann siad teicneolaíocht Adobe Flash Video chun réimse leathan d'ábhair físeáin a thaispeáint. Bíonn an chuid is mó de na físeáin á gcruthú ag na húsáideoirí féin agus bíonn gearrthóga scannán, gearrthóga teilifíse agus físeáin cheoil ina measc, chomh maith le hábhar amaitéarach amhail físbhlaganna agus ábhar bunaidh físeán na n-úsáideoirí féin. Is áis é atá saor in aisce agus ní gá clárú ar an suíomh le féachaint ar na físeáin, cé gur gá clárú le breathnú ar fhíseáin shrianta áirithe.
