An difríocht idir athruithe ar: "Plandáil Uladh"

Is éard atá i gceist le '''plandáil Uladh''' ná an dóigh ar cuireadh [[Protastúnachas|Protastúnaigh]] ina gcónaí i g[[Cúige Uladh]] sa [[17ú haois]] leis an gcúige a dhéanamh dílis do choróin [[Sasana|Shasana]]. Cuid a bhí ann d'iarrachtaí na nGall an tír a chur faoi chois, agus cuireadh i gcrích é i ndiaidh teithead na nIarlaí le aodh o néill [[Teitheadh na nIarlaí|Imeacht na nIarlaí]] agus [[Cogadh na Naoi mBliana|Chogadh na Naoi mBlian]]. I dtús báire, b'é Cúige Uladh an cúige ba mhó a bhí ag tarraingt trioblóidí anuas ar na Sasanaigh, ach tháinig deireadh leis sin i ndiaidh an chogaidh. D'éirigh leis an bplandáil seo i bhfad ní b'fhearr ná le hiarrachtaí cosúla i g[[Cúige Mumhan]] is i g[[Cúige Laighean]], nó bhí córas eagraithe taobh thiar de nach raibh a leithéid ann sna plandálacha eile. Mar shampla, tháinig lucht na gceirdeanna ó [[Londain]] go [[Doire Cholm Cille]]. Dá thoradh sin, d'fhréamhaigh pobal Gallda i gCúige Uladh. Ruaigeadh a lán [[Caitliceachas|Caitliceach]] as a gcuid seantailte, agus mar sin, cuireadh an chéad síol le [[Trioblóidí an Tuaiscirt|trioblóidí Thuaisceart Éireann]]. Tá sé soiléir gurb í an Phlandáil is príomhchúis le cuid mhór d'fhadhbanna an lae inniu.