[[Íomhá:Aztecempirelocation.png|thumb|right|300px|Uasmhéid na gcríoch a bhí faoi dhlínse na nAstacach]]
B'Ba iad '''na hAstacaigh''' an tsibhialtacht a bhí i seilbh Mheicsiceo, nó na gcríoch a dtugtar [[Meicsiceo]] orthu inniu, ón 14ú go 16ú haois. B'Ba í an teanga ba mhó a bhíodh á labhairt acu ná an [[Nahuatl]]. Maidir leis an bhfocal féin ''Astacach'', is é is bunús leis ná ''aztecatl'', uimhir iolra ''azteca'', agus is gnách é a chiallú mar "dhuine ó Aztlan". B'éard a bhí i gceist le hAztlanh[[Aztlan]] ná an dúiche mhiotasach ónar tháinig lucht labhartha na teanga Nahuatl go Meicsiceo agus go Lár Mheiriceá. Glac na ''Mexica'' - an treibh a bhunaigh cathair Tenochtitlan, áit a bhfuil Cathair Mheicsiceo (''Ciudad de México'') inniu - an t-ainm sin chucu féin. Bhí na ''Mexica'' i gcomhghuaillíocht le dhá threibh thábhachtacha eile, na h''Acolhua'' ó Texcoco agus na ''Tepaneca'' ó Tlacopan. Is gnách an Trípháirtíocht Astacach a thabhairt ar an gcomhghuaillíocht seo, agus ó bhí an teanga chéanna á labhairt ag an trí threibh seo gan aon trácht a dhéanamh ar na comhchosúlachtaí cultúrtha, is féidir Astacaigh a ghairm díobh go léir. Is minic a thugtar "Impireacht na nAstacach" ar an trípháirtíocht.
