An difríocht idir athruithe ar: "Lavr Kornilov"

Ginearál [[An Rúis|Rúiseach]] ab ea é '''Lavr Georgiyevich Kornilov''' ([[Rúisis]]: ''Лавр Георгиевич Корнилов'', Lavr Georgievič Kornilov) ([[18 Lúnasa]], [[1870]] - [[13 Aibreán]] [[1918]]) a throid sa [[Chéad Chogadh Domhanda]] agus i g[[Cogadh Cathartha na Rúise]]. Coinníonn na staraithe cuimhne air, toisc go ndearna sé iarracht i rith Mhí Lúnasa agus Mhí Mheán FomhairFómhair 1917 rialtas na Rúise a chosaint ar na Boilséivigh, ach b'é ba toradh dá iarracht ná gur scaoil [[Aleksandr Kerensky]] saor leo siúd.

Cosacach ab ea é Kornilov a saolaíodh sa [[An Chasacstáin|Chasacstáin]] (nó sa Turcastáin Rúiseach, mar a thugtaí ar an gceantar san am sin). Cosacach agus fear míleata ab ea é athair Kornilov, agus ba bhean áitiúil í a mháthair. Chaith Kornilov na blianta fada ina oifigeach proifisiúnta in Arm [[Impireacht na Rúise|Impiriúil na Rúise]]. Sna blianta 1890-1904, bhí sé i gceannas ar mhisiúinmhisean taiscéalaíochta in Oirthear na Turcastáine, san Afganastáin agus sa Pheirs. D'fhoghlaim sé sraith teangacha Lár-Áiseacha, agus bhreac sé síos tuairiscí mionchruinne faoina raibh feicthe aige. Le linn [[Cogadh na Rúise agus na Seapáine|Chogadh na Rúise agus na Seapáine]], 1904-1905, bronnadh Cros Naomh Seoirse air, chomh maith le céimíocht an choirnéil.

Cé go raibh Kornilov míshásta leis an Sár Nioclás, bhí sé den tuairim nár chóir don Rúis a cuid comhghuaillithe a ligean síos sa chogadh. Ar nós a lán Rúiseach, bhí sé barúlach fosta go raibh anord agus ainriail ag dul i bhfairsinge sa tír i ndiaidh [[Réabhlóid na Feabhra]], agus dá gcaillfí an cogadh, go gcaillfí an Rúis. Dúirt sé nach raibh i [[Léinín]] agus sna Boilséivigh ach spiairí Gearmánacha agus gur chóir iad a chur chun báis. D'éiligh sé freisin go gcuirfí an disciplín mhíleata i bhfeidhm ar an arm arís, go gcuirfí deireadh le comhairlí an lucht oibre agus na saighdiúirí (na sóivéidí), agus go n-"athstruchtúrófaí" an Rialtas Sealadach féin. Chreid sé go raibh údarás ó Kerensky aige an tsíocháin a chur ar bun arís sa phríomhchathair agus an rialtas a athstruchtúrú. Mar sin, d'ordaigh sé do Thríú Cór an Airm mairseáilmáirseáil go [[Cathair Pheadair]] agus an dlí míleata a chur i bhfeidhm ar an áit. Maidir le Kerensky, áfach, scoir sé Kornilov de phost an Ard-Cheannasaí ar an 9 Meán Fómhair, agus é á chur ina leith go raibh sé ag iarraidh deachtóireacht mhíleata a chur ar bun. Chreid Kornilov go raibh Kerensky cimithe ag na Boilséivigh, agus gur chuir siadsan d'fhiachaibh air a leithéid d'ordú a thabhairt don Ghinearál. Is é an freagra a thug Kornilov ná gur eisigh sé gairm shlógtha do na Rúisigh go léir, agus é ag áitiú orthu "teacht chun tarrthála don tír seo againne atá ag saothrú an bháis cheana féin".

Nuair a theip ar an g''[[coup d'état]]'', cuireadh Kornilov agus lucht a leanúna faoi choimhéad i bpríosún Bikhov. Go gairid ina dhiaidh sin, shealbhaigh na Boilséivigh an chumhacht. D'éirigh le Kornilov an príosún a thréigean, ós rud é go raibh lucht tacaíochta dá chuid féin i measc na séiléirí. Rinne Kornilov a bhealach go dtí réigiún [[Abhainn Don]], agus chabhraigh sé leis an nGinearál Mikhail Alekseyev arm frith-Bhoilséiveach a shlógadh i Novocherkassk. Cé go raibh na Boilséivigh i bhfad ní ba líonmhaire, d'éirigh le Kornilov agus lena dhíorma beag an-chath a chur orthu. Fuair Kornilov bás i Mí Aibreáin 1918, le linn an chatha faoi Ekaterinodar. Nuair a bhí a chuid saighdiúirí ag cur léigir ar an gcathair, mharaigh sliogán de chuid na nDearg é. Cuireadh é i gceann de na sráidbhailte máguaird. Cúpla lá ina dhiaidh sin, tháinig na Boilséivigh go dtí an sráidbhaile. Dhí-adhlaic siad corpán an Ghinearál agus náirigh siad go poiblí é. Ina dhiaidh sin, d'ainmnigh ginearáil an Airm Bháin ceann de rannáin an Airm as Kornilov.