An difríocht idir athruithe ar: "Eris (abhacphláinéad)"

[[Abhacphláinéad]] is ea í '''Eris''' (nó '''136199 Eris''') atá suite ar imeall an [[Grianchóras|ghrianchórais]], níos faide ón [[ghréin]] ná [[Plútón]]. Ceann de [[réadanna an diosca scaipthe]] atá inti, nó ní féidir í a aicmiú go sásúil mar réad de chuid [[Crios Kuiper|Chrios Kuiper]] ná mar cheann de chuid [[Scamall Oort]], ach an oiread. Nuair a thángthas trasna ar Eris, b'éigean aicmiú nua a fháil do Phlútón, ós rud é nach raibh aon chúis cheart le "pláinéad" a thabhairt ar Phlútón a thuilleadh, agus an chuma ag teacht ar an scéal go bhfuil cuid mhaith réadanna eile amuigh ansin ar féidir dóibh a bheith ar aon mhéid le Plútón. Go bunúsach, is é an t-aon ábhar a bhí ann le Plútón a aicmiú mar "phláinéad" ná gur fionnadh é i bhfad roimh na [[Réad tras-Neiptiúnach|réadanna tras-Neiptiúnacha]] eile, chomh luath leis an mbliain [[1930]]. Mar sin, cheap [[Cumann Idirnáisiúnta na Réalteolaithe]] coincheap nua - abhacphláinéad - leis an bhfadhb a fhuascailt.