An difríocht idir athruithe ar: "Rúraíocht"

cnuasach seanscéalta Uladh
Content deleted Content added
No edit summary
(No difference)

Leagan ó 11:43, 14 Eanáir 2005

Sraith scéalta ársa de chuid na nGael. Tugtar laochscéalta orthu agus tá a bhformhór suite i gCúige Uladh. Is iad Conchúir Mac Neasa, rí Uladh, agus an laoch Cú Chulainn, príomhcharachtar na scéalta de ghnáth. Bhí cónaí ar an rí in Eamhan Macha agus buíon laochra aige darbh ainm an Chraobh Rua. I measc na scéalt is cáiliúla tá Oidheadh Chlainne Uisnigh, scéal tragóideach faoin ógbhean Deirdre a bhí roghnaithe mar chéile ag Conchúir Mac Neasa, ach a d'éalaigh le Naoise go hAlbain. Tar éis tamaill d'iarr Conchúir ar Naoise agus a dheartháireacha, Clann Uisnigh, teacht ar ais go hÉirinn mar go raibh sé ag tabhairt mathúnais dóibh. Maraíodh na deartháireacha go fealltach chomh luath agus a shroich siad príomhchathair an rí, Eamhain Macha. Léim Deirdre as carbad an rí agus rinne smidiríní dá ceann in aghaidh carraige. Is mó de shraith scéalta ann féin é An Táin nó Táin Bó Cuailgne, eachtra fada faoi ruaig a thug banríon Chonnachta Méabh ar Chuailgne chun tarbh a ghoid, agus an cogadh a lean é. Mar gheall ar gheasa a bhí ar laochra na Craoibhe Rua, ní raibh ar a gcumas troid in aghaidh a namhaide agus b'éigean don ógánach Cú Chulainn an fód a sheasamh.